ខេត្ដស្វាយរៀង៖គ្រោះធម្មជាតិរន្ទះបាញ់ផ្ដាច់ជីវិតស្ត្រីម្នាក់ស្លាប់នៅពេលបញ្ជូនទៅមន្ទីរពេទ្យដល់ពាក់កណ្ដាលផ្លូវនិងម្នាក់ទៀតរងរបួសធ្ងន់ត្រូវសង្គ្រោះបន្ទាន់នៅមន្ទីរពេទ្យ ខណៈអ្នកទាំងពីរទៅច្រូតស្មៅនៅឯវាលស្រែខាងក្រោយផ្ទះ ។
សមត្ថកិច្ចបានឲ្យដឹងថានៅថ្ងៃទី១៧ ខែកញ្ញា ឆ្នាំ២០២៣ នៅវេលាម៉ោង១៤និង៣០នាទី ប៉ុស្តិ៍នគររដ្ឋបាលជ្រុងពពេល បានទទួលពត៌មានពីប្រជាពលរដ្ឋថាមានករណីរន្ទះបាញ់មនុស្សនៅភូមិទូលសាលា ឃុំជ្រុងពពេល ស្រុករំដួល ខេត្តស្វាយរៀង ក្រោយទទួលពត៌មានភ្លាមសមត្ថកិច្ចបានចុះទៅដល់កន្លែងកើតហេតុមានករណីរន្ទះបាញ់ បណ្ដាលឲ្យមនុស្សរងគ្រោះ០២នាក់មានឈ្មោះ៖
១- ឈ្មោះ ពៀន រ៉ា ភេទប្រុសអាយុ ៣២ ឆ្នាំរស់នៅភូមិទូលសាលា ឃុំជ្រុងពពេល ស្រុករំដួល ខេត្តស្វាយរៀង(ត្រូវជាប្ដី) រងរបួសធ្ងន់។
២- ឈ្មោះ ជូ.សុវណ្ណដារា៉ ភេទស្រីអាយុ ៣៥ ឆ្នាំ(ត្រូវជាប្រពន្ធ)រស់នៅភូមិឃុំជាមួយ(ស្លាប់)
ប្រភពពីរកន្លែងកើតហេតុបានឲ្យដឹងថានៅមុនពេលកើតហេតុ ប្ដីប្រពន្ធពីរនាក់បាននាំគ្នាទៅច្រូតស្មៅនៅឯខាងក្រៅផ្ទះស្របពេលនោះក៏មមេឃអាប់អួរមានភ្លៀងផងដែរ មួយសន្ទុះក្រោយមកក៍មានលឺស្នូររន្ទះបាញ់។
បច្ចុប្បន្ន ជនរងគ្រោះបានបញ្ជូនទៅព្យាបាលនៅមន្ទីរពេទ្យបង្អែកខេត្តស្វាយរៀងចំណែកសព ត្រូវបានក្រុមគ្រួសារយកមកធ្វើបុណ្យតាមប្រពៃណី។
ខណៈពេលនោះដែរ អភិបាលនៃគណៈអភិបាលស្រុករំដួល លោកហែម សុីណា ក៏បានដឹកនាំក្រុមការងារចុះសាកសួរសុខទុក្ខប្ដី ប្រពន្ធពីរនាក់គ្រោះថ្នាក់រន្ទះបាញ់ដល់មន្ទីរពេទ្យ ហើយលោកសូមចូលរួមសោកស្តាយប្រពន្ធបានទទួលមរណភាពតាមផ្លូវ ប្តីត្រូវបានក្រុមគ្រូពេទ្យបង្អែកស្រុករំដួលកំពុងសង្រ្គោះ លោកក៏សូមអំពាវនាវដល់បងប្អូនប្រជាពលរដ្ឋទាំងអស់សូមបងប្អូនត្រៀមប្រុងប្រយ័ត្នខ្ពស់បំផុតពេលមានភ្លៀងផ្គរ រន្ទះ៕
