(ឧត្តរមានជ័យ)សមត្ថកិច្ចឃាត់ខ្លួនក្មេងទំនើងចំនួន១០ក្រោយពីធ្វើសកម្មភាពជិះម៉ូតូយកដុំថ្មដេញគប់គ្នាយ៉ាងអាណាធិបតេយ្យ ក្នុងភូមិសាស្ត្រស្រុកអន្លង់វែងកាលពីទៅបីថ្ងៃកន្លងទៅ ជាក់ស្តែងនៅថ្ងៃទី២៧ ខែកញ្ញា ឆ្នាំ២០២៣ វេលាម៉ោង ១៥និង៣០នាទីរសៀល ដោយមានការណែនាំពី លោកឧត្តមសេនីយ៍ទោ ហួត សុធី ស្នងការនគរបាលខេត្ត លោកវរសេនីយ៍ឯក ស៊ូ នូវ អធិការនគរបាលស្រុក បានចូលរួមជាមួយ លោក ងួន ទ្ធីរិទ្ធ អភិបាលនៃអភិបាលស្រុកអន្លង់វែង ធ្វើការអប់រំក្រុមក្មេងទំនើង ២ក្រុម មានគ្នាចំនួន ១០នាក់ ដែលបានធ្វើសកម្មភាពជិះម៉ូតូ យកដុំថ្ម ដុំឥដ្ឋ ដេញវាយគប់គ្នាធ្វើឲ្យសង្គមស្អប់ខ្ពើម។
គួររំលឹកថា កាលពីថ្ងៃទី២៤ ខែកញ្ញា ឆ្នាំ២០២៣វេលាម៉ោង ២២និង៣០នាទីយប់ នៅតាមដងផ្លូវនៅភូមិអូរស្រម៉រ ឃុំត្រពាំងតាវ ស្រុកអន្លង់វែង ខេត្តឧត្ដរមានជ័យមានប្រជាពលរដ្ឋធំបានរាយការមកថា មានករណីក្មេងទំនើង២ក្រុមជិះម៉ូតូយកដុំថ្មដេញគប់គ្នានៅត្រង់ចំណុច ខាងលើហើយភ្លាមៗក្រោយទទួលបានពត៌មានរួចកម្លាំងអធិការដ្ឋាននគរបាលស្រុក ចុះធ្វើការស្រាវជ្រាវរហូតឈានដល់បង្ក្រាបចាប់ឃាត់ខ្លួនបានក្រុមក្មេងទាំងនោះនាំយកមកកាន់អធិការដ្ឋាននគរបាលស្រុកដើម្បីសាកសួរនិងអនុវត្តតាមនីតិវិធី។
សូមបញ្ជាក់ថា បើតាមការអះអាងពីលោកអធិការស្រុកបានព្រមានទៅក្មេងទំនើងទាំង១០នាក់នោះដោយលើកឡើងថា ប្រសិនថ្ងៃក្រោយប្រព្រឹត្តធ្វើទង្វើបែបនឹងតទៅទៀត សមត្ថកិច្ចជំនាញនឹងចាត់វិធានការបញ្ជូនទៅកាន់សាលាដំបូងខេត្តមិនលើកលែងឡើយ។
ហើយបន្ចុប្បន្ននៅល្ងាចថ្ងៃទី២៧ខែកញ្ញាឆ្នាំ២០២៣នេះ បានធ្វើការអបរំដោយបានអញ្ជើញឪពុកម្តាយ និងអាណាព្យាបាល មកចូលរួមផងដែរ បន្ទាប់ពីអប់រំរួច បានធ្វើកិច្ចសន្យា និងឱ្យឪពុកម្តាយអាណាព្យាបាល ធានាយកទៅអប់រំបន្តនៅមូលដ្ឋានវិញ ។
