(ឧត្តរមានជ័យ)សមត្ថកិច្ចឃាត់ខ្លួនក្រុមក្មេងទំនើងចំនួន៣នាក់ដែលបានធ្វើសកម្មភាពដេញវាយតប់គ្នាលើផ្លូវសារធារណ:ក្នុងនោះដកហូតបានកាំបិតខ្វែវ១ដើម ដែលការឃាត់ខ្លួននេះដែរធ្វើឡើងនៅថ្ងៃទី១៦ ខែតុលា ឆ្នាំ២០២៣ វេលាម៉ោង ១៦និង៥០នាទី ក្រោយទទួលពត៌មានពីប្រជាពលរដ្ធមកថា មានក្មេងមួយក្រុមកំពុងវាយគ្នាតាមដងផ្លូវ ស្ថិតនៅរង្វង់មូលមួយកន្លែង ក្នុងភូមិថ្លាត ឃុំថ្លាត ស្រុកអន្លង់វែង ខេត្តឧត្តរមានជ័យ។
ក្រោយទទួលបានពត៌មានភ្លាមកម្លាំងអធិការដ្ឋាននគរបាលស្រុកអន្លង់វែងចុះទៅដល់ទីតាំងខាងហើយបានធ្វើការស្រាវជ្រាវសុើបអង្កេតរហូតឈានដល់ការបង្ក្រាបចាប់ឃាត់ខ្លួនក្រុមក្មេងទំនើងបានចំនួន៣នាក់ប្រុសនិងដកហូតម៉ូតូ ១គ្រឿង កាំបិតខ្វែវ ចំនួន១ដើមនាំខ្លួនមកកាន់អធិការស្រុកដើម្បីធ្វើការសាកសួរនៅល្ងាចថ្ងៃទី១៦ខែតុលាឆ្នាំ២០២៣ម្សិលមិញនេះតែម្តង។
សមត្ថកិច្ចមូលដ្ធានបានបញ្ជាក់ថា ក្មេងទំនើងដែលឃាត់បានមានឈ្មោះដូចខាងក្រោម ៖
១/ឈ្មោះ ឈុត សាម៉ៃ ភេទប្រុស អាយុ២៣ ឆ្នាំរស់នៅភូមិអូររុន ឃុំថ្លាត ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ។
២/ឈ្មោះ សយ ណាស៉ី ហៅវៃ ភេទប្រុស អាយុ ១៧ឆ្នាំ រស់នៅភូមិទួលក្រឡាញ់ ឃុំថ្លាត ស្រុកអន្លង់វង ខេត្តឧត្តរមានជ័យ មុខរបរមិនពិតប្រាកង។
៣/ ឈ្មោះ ភាន់ សុភាស់ ភេទប្រុស អាយុ ១៩ឆ្នាំ រស់នៅភូមិទួលថ្មី ឃុំថ្លាត ស្រុកអន្លង់វែង ខេត្តឧត្តរមានជ័យ មុខរបរធ្វើហេឡូត្រាស់។
បើយោងតាមរបាយការណ៏របស់សមត្ថកិច្ចជំនាញបានអះអាងថា ក្រោយពីធ្វើការសាកសួរអស់ជាច្រើនម៉ោងក្រុមក្មេងទំនើងទាំង៣នាក់បានឆ្លើយសារភាពថាពួកគេពិតជាបានប្រព្រឹត្តសកម្មភាពវាយតប់គ្នាពិតប្រាកដមែន។
ទាក់ទិនទៅនឹងការបង្ក្រាបក្មេងទំនើងទាំង៣នាក់ខាងលើនេះដែរ ក្រុមការងារពត៌មានពុំអាចសុំការបញ្ជាក់បកស្រាយរឿងរ៉ាវឲ្យសុីជំរៅពីសមត្ថកិច្ចនគរបាលជំនាញស្រុកអន្លង់វែងបាននៅឡើយទេថា ពួកគេដេញវាយគ្នាត្រង់ចំណុចខាងលើបង្កឲ្យមានរបួសដល់ជនរងគ្រោះមួយណាឲ្យពិតប្រាកដនោះ។
បច្ចុប្បន្ន ក្មេងទំនើងទាំង៣នាក់ខាងលើកំពុងឃាត់ខ្លួនសាកសួរនៅអធិការដ្ឋាននគរបាលស្រុកដើម្បីរផបចំកសាងសំណុំរឿងបញ្ជូនទៅកាន់សាលាដំបូងខេត្តចាត់ការទៅតាមនីតិវិធីច្បាប់។
