ស្វាយរៀង ៖ នៅថ្ងៃទី២៣ ខែតុលា ឆ្នាំ២០២៣នេះ វេលាម៉ោង១៥និង០០នាទី លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំ កម្លាំងក្រោមឱវាទចុះទៅសួរសុខទុក្ខលោកអនុសេនីយ៍ឯកសោម វាសនា នាយរងផ្នែកគ្រឿងញៀន ដែលកំពុងសម្រាកព្យាបាលជំងឺនៅផ្ទះ។
ដោយមានការអញ្ជើញចូលរួមពី ៖ លោកវរសេនីយ៍ទោ ចាន់ វី អធិការរងទទួលការងារសេនាធិការ ។ លោកវរសេនីយ៍ទោ ម៉ៅសុខន អធិការរងទទួលការងារប្រឆាំងគ្រឿងញៀន និងលោកវរសេនីយ៍ត្រី មិ ថន នាយផ្នែកព្រហ្មទណ្ឌ។
លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំមុឺងម៉ាត់និងការងារ អនុវត្តបទបញ្ជាដែលថ្នាក់លើដាក់មកយ៉ាងសកម្ម ដឹកនាំក្រមការងារល្បាតចល័តការពារ បង្ការ ទប់ស្កាត់ បទល្មើសផ្សេងៗដែលអាចកើតឡើងពោលគឺធ្វើសកម្មភាពដូចភ្លៀងរលឹម អ្វីដែលធ្វើ ឲ្យបងប្អូនប្រជាពលរដ្ឋក្នុងមូលដ្ឋានបំភ្លេចមិនបាននោះគឺលោកតែងតែចែករំលែកសេចក្តីស្រលាញ់ ផ្តល់ស្នាមញញឹម ដល់ក្មេងកំព្រា ចាស់ជរាគ្មានទីពឹង គ្រួសារអតីតយុទ្ធជន ជនពិការ និង គ្រួសារងាយរងគ្រោះ ហើយលោកក៏មិនដែលភ្លេចឡើងនូវទុក្ខលំបាករបស់មន្ត្រីនគរបាលក្រោមឪវ៉ាតគឺតែងតែចុះសួរសុខទុក្ខនៅពេលមានជម្ងឺ ឬមានបញ្ហាផ្សេងៗជាបន្តបន្ទាប់ក្នុងនាមជាប្រធានអង្គនគរបាលស្រុក។
លោកអធិការនគរបាលស្រុកបាននាំយកគឿងឧបភោគបរិភោគ និងថវិកាមួយចំនួនដើម្បីជួយឧបត្ថម្ភដល់លោកអនុសេនីយ៍ឯកសោម វាសនា សម្ភារទាំងអស់រួមមានដូចជា៖មីម៉ាម៉ា១កេស,ទឹកក្រូច១កេស និងថវិកា២២០,០០០៛ផងដែរ។
ឆ្លៀតក្នុងឪកាសនោះលោកវរសេនីយ៍ឯក សោម សុភ័ណ្ឌ បានណែនាំលើកទឹកចិត្តឲ្យ លោកអនុសេនីយ៍ឯក សោម វាសនា សូមខិតខំព្យាបាលជម្ងឺ ថែរក្សាការពារសុខភាពឲ្យបានល្អ និងសូមជូនពរឲ្យឆាប់ជាសះស្បើយពីជម្ងឺទាំងពួង៕
