បន្ទាយមានជ័យ៖បុរស់ម្នាក់ដើរបេះបន្លែធ្វើម្ហូបតាមបន្ទាត់ព្រំដែនតំបន់ហាមឃាត់ជាន់មីនផ្ទុះបណ្តាលដាច់ជើងឆ្វេងម្ខាងរបួសធ្ងន់កំពុងសង្គ្រោះដែលកើតឡើងនៅរសៀលកាលបីថ្ងៃទី២៤ ខែតុលា ឆ្នាំ២០២៣ក្បែរព្រំដែនស្ថិតភូមិសាស្គ្រភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ។
លោកវរសេនីយ៍ឯក ឡុង សំណាង មេបញ្ជាការនគរបាលការពារព្រំដែនគោកលេខ៨០៧បានប្រាប់ថា៖ជនរងគ្រោះមានឈ្មោះ ចន ជុង ភេទប្រុសអាយុ២៨ឆ្នាំរស់នៅភូមិកើតហេតុខាងលើ។
លោកបានបញ្ជាក់ថា៖នៅពេលគ្រោះថ្នាក់កើតឡើងជនរងគ្រោះឈ្មោះ ចន ជុង បានទៅដើរបេះបន្លែតាមបន្ទាត់ព្រំដែនដើម្បីយកធ្វើម្ហូបសម្រាប់ពេលល្ងាចនៅតំបន់ហាមឃាត់និងដាក់បំរាមហាមចូលតែជនរងគ្រោះអ្នករស់នៅក្បែរព្រំដែនបានដើរបេះតាមបន្ទាត់ព្រំដែនបណ្តាលផ្ទុះមីនបណ្តាលដាច់ជើងខាងឆ្វេងនិងរបួសសោះជើងខាងស្តាំនិងកំប៉េះកូដរបួសធ្ងន់។
លោកវរសេនីយ៍ឯក ឡុង សំណាង បានបញ្ជាក់ថា៖ក្រោយស្នូរមីនផ្ទុះតាមបន្ទាត់ព្រំដែនកងកម្លាំងនគរបាលការពារព្រំដែនគោក និងកម្លាំងយោធាលការពារបន្ទាត់ព្រំដែនបានចេញទៅមើលសូរស្រែកជួយផងទើបដឹងមានអ្នករងគ្រោះដោយគ្រាប់មីន ហើយកម្លាំងជំនាញផ្នែករាវមីនបានចូលទៅជួយសង្គ្រោះបឋមនិងដាក់សែងដោយអង្រឹងចេញមកក្រៅដាក់រថយន្តទៅសង្គ្រោះបន្ទាន់កាន់មន្ទីពេទ្យរួចផុតគ្រោះថ្នាក់៕
