ស្វាយរៀង ៖ នៅព្រឹកថ្ងៃទី០១ ខែវិច្ឆិកា ឆ្នាំ២០២៣ លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងក្រោមឱវាទ ចូលរួមបុណ្យគម្រប់ខួប៧ថ្ងៃ សពរបស់លោកអនុសេនីយ៍ឯក ពេជ្រ វណ្ណា មន្ត្រីប៉ុស្តិ៍ក្រោលគោ ដែលបានទទួលមរណៈភាពទៅកាលពីពេលថ្មីៗកន្លងទៅ។ ដោយមានការចូលរួមពី៖ លោកវរសេនីយ៍ទោ ចាន់ វី អធិការរងទទួលការងារសេនាធិការ, លោកស្រីវរសេនីយ៍ត្រី ឆាយ កុសល្យ អធិការរងទទួលការងារយេនឌ័រ ព្រមទាំងលោក លោកស្រីនាយរងផ្នែកសេនាធិការ–កិច្ចការប៉ុស្តិ៍–ផ្នែកប្រឆាំងគ្រឿងញៀន និងលោកនាយ នាយរងប៉ុស្តិ៍ក្រោលគោ។
ក្នុងឱកាសនោះ លោកវរសេនីយ៍ឯក សោម សុភ័ណ្ឌ បាននាំយកសម្ភារ និងថវិការួមមាន ៖ ទឹកសុទ្ធ ៥យួរ, មី ១កេស, ទឹកក្រូច១កេស, ទឹកស៊ីអ៊ី១យួរ,ទឹកត្រី១យួរ និងថវិកាចំនួន ៣៦ម៉ឺនរៀល ប្រគល់ ជូនគ្រួសារសពផងដែរ៕
