ភ្នំពេញ ៖ យុវជនម្នាក់ត្រូវបានបញ្ជូនដល់មន្ទីពេទ្យបានដាច់ខ្យល់ស្លាប់ ដោយសារជិះម៉ូតូជ្រុលទៅបុកខឿនផ្លូវបណ្តលអោយបោកក្បាលឈាមស្រោចពេញខ្លួន។កាលពីវេលាម៉ោង១១ និង៣០នាទីយប់ថ្ងៃទី៣១ ខែឧសភា ឆ្នាំ២០១៩ តាមបណ្ដោយផ្លូវ៥១ កែងនិងផ្លូវ២៤០ ត្រង់ចំណុចមុខសាលារៀន៨មីនា ក្នុងសង្កាត់ចតុមុខ ខណ្ឌដូនពេញ។
ជនរងគ្រោះ មាន ឈ្មោះ លី ជីមី ភេទប្រុស អាយុ២៣ឆ្នាំ មុខរបរបុគ្គលិកសណ្ឋាគារ ស្នាក់ផ្សារចាស់ ខណ្ឌដូនពេញ មានស្រុកកំណើតភូមិព្រែកដំបូក ឃុំព្រែកដំបូក ស្រុកស្រីសន្ធរ ខេត្តកំពង់ចាម។
សមត្ថកិច្ច បានឲដឹងថា មុខពេលកើតហេតុគេឃើញបុរសម្នាក់ ជិះម៉ូតូមួយគ្រឿង ម៉ាកឌ្រីមសង់០១៣ ពណ៌ខ្មៅ ពាក់ស្លាកភ្នំពេញ1CK-1068 ចេញពីផឹកស៊ីមួយកន្លែង ដោយមិនបានពាក់មួកការពាសុវត្ថិភាពនោះទេ ដោយធ្វើដំណើរពីជើងទៅត្បូង មកដល់ចំណុចកើតហេតុ បានជ្រុលទៅបុកខឿនផ្លូវបោកក្បាល ស្លាប់ពេលបញ្ជូនទៅមន្ទីរពេទ្យ។
ក្រោយកើតហេតុសមត្ថកិច្ច បានធ្វើកំណត់ហេតុ ប្រគល់សពនិងម៉ូតូឲ្យក្រុមគ្រួសារ យកទៅស្រុកកំណើត ធ្វើបុណ្យតាមប្រពៃណី៕
