ភ្នំពេញ៖បុរសជាកមម្មករម្នាក់ ត្រូវបានខ្សែភ្លេីងឆក់ពេលដែលឡេីងទៅបាញ់ថ្នាំជញ្ជាំងធ្វេសប្រហែស លើកដែកទីបទៅប៉ះនឹងខ្សែកាបភ្លើងដែលមានតង់ស្យុងខ្ពស់ បណ្តាលឲ្យឆ្លងផ្ទុះឆក់ឆេះរលាកពេញខ្លួន រងរបួសធ្ងន់ ចំណែក២នាក់ទៀតរងរបួសស្រាល សំណាងដែរមិនប៉ះពាល់ដល់អាយុកជីវិត។កាលពីវេលាម៉ោង១០និង៣០នាទីព្រឹកថ្ងៃទី០៣ ខែមិថុនា ឆ្នាំ២០១៩ ស្ថិតនៅការដ្ឋានសំណង់ចិនមួយកន្លែង ក្រុម១៤ តាមផ្លូវ២០០៤ ភូមិតាងួន១ សង្កាត់កាកាប១ ខណ្ឌពោធិសែនជ័យ។
បេីតាមសមត្ថកិច្ចបានឲ្យដឹងថាសំណង់ខាងលើជាសំណង់ចិន សាងសង់ក្បែរនឹងខ្សែកាបភ្លើងដែលមានតង់ស្យុងខ្ពស់ ហើយនៅវេលាម៉ោងខាងលើ ខណៈដែលជនរងគ្រោះ លើកដែកទីបយកឡើងទៅលើចាប់រន្ទា បែជាប៉ះចំនឹងខ្សែកាប ទើបបណ្តាលឲ្យឆ្លងឆក់គ្នាកម្មករចំនួន៣នាក់ ធ្ងន់ម្នាក់ ស្រាល២នាក់ ។
ជនរងគ្រោះឈ្មោះ ឡុង ណារិន ភេទប្រុស អាយុ២៦ឆ្នាំ មុខរបរ ជាងបាញ់ បៀកថ្នាំ ទើបមកធ្វើការបាន៥ថ្ងៃហើយ មានទីលំនៅ ឃុំចំណាលើ ស្រុកស្ទោង ខេត្តកំពង់ធំ ។
ក្រោយកេីតហេតុត្រូវបានប្រជាពលរដ្ឋជួយលើកជនរងគ្រោះរបួសធ្ងន់ម្នាក់ដាក់ចុះ ដឹកតាមម៉ូតូកង់បីបញ្ជូនទៅមន្ទីរពេទ្យបង្អែកពោធិចិនតុង ដើម្បីសង្គ្រោះអាយុជីវិត ។តាមប្រជាពលរដ្ឋបានលើកឡើងថា សំណង់ជនជាតិចិនខាងលើ មិនដឹងថា មានច្បាប់ឬអត់ច្បាប់នោះទេ សំណង់សង់គៀកជាប់នឹងខ្សែកាបភ្លើង ដែលបង្កហារនិភ័យច្រើន ប្រឈមគ្រោះថ្នាក់៕លោក ប៉ែន ឡា
