ស្វាយរៀង ៖ យ៉ាងហោចណាស់មានកម្មការិនីបម្រើការនៅរោងចក្រ យូលី ប្រមាណ៦០នាក់ បានរងរបួសធ្ងន់ស្រាល។
ហេតុការណ៍គ្រោះថ្នាក់ចរាចរណ៍មួយ កាលពីវេលាម៉ោង ៧និង០០ ព្រឹក ថ្ងៃទី០៣ ខែមិថុនា ឆ្នាំ២០១៩នេះដែលស្ថិតនៅភូមិលាប ឃុំប្រសូត្រ ស្រុកស្វាយទាប ខេត្តស្វាយរៀង។
គ្រោះថ្នាក់ចរាចរណ៍ខាងលើ បង្កឡើងដោយរថយន្តស្ទូច១គ្រឿងពាក់ស្លាកលេខភ្នំពេញ3E-6026 រថយន្តហាយលែនឌ័រ១គ្រឿងពាក់ស្លាកលេខភ្នំពេញ2AR.9861 និងរថយន្តសាំយ៉ុង២គ្រឿងដែលដឹកកម្មករទី១ពាក់ស្លាកលេខភ្នំពេញ2Q.4946និងទី២ពាក់ស្លាកលេខកំពង់ស្ពឺ2A.3239ដែលបុកបន្ដកន្ទុយគ្នា។
ប្រភពពីកន្លែងកើតហេតុឲ្យដឹងថា មុនពេលកើតហេតុ មានរថយន្តស្ទូច១គ្រឿងបើកឡើងមកលើផ្លូវជាតិ ដោយមិនមានអ្នកធ្វើចរាចរណ៍ ស្របពេលនោះ រថយន្តហាយលែនឌ័រ និងរថយន្តសាំយ៉ុងដឹកកម្មករ២គ្រឿងទៀត បើកមកវៈអឺនឹងរថយន្តស្ទូច ហើយក៏បុកបន្តកន្ទុយគ្នាតែម្ដង។
សូមបញ្ជាក់ថា កម្មការិនីរងគ្រោះទាំងអស់ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកជីភូ និងមន្ទីរពេទ្យនៅទីរួមខេត្តស្វាយរៀងអស់ហើយ៕ដោយ៖លោកប៉ែន ឡា
