ខេត្តកំពង់ស្ពឺ៖សត្វគោរបស់ប្រជាពល រដ្ឋបានងាប់តម្រៀបគ្នានៅក្រោមដើម ឈើខណៈដែលម្ចាស់បា នព្រលែងអោយដើររកស៊ីស្មៅវាលស្រែក្រោយភូមិប៉ុន្តែចៃដន្យអាក្រក់ជួបគ្រោះធម្ម ជាតិត្រូវរន្ទះបាញ់ងាប់ចំនួន០៥ក្បាល បង្កអោយមានការភ្ញាក់ផ្អើលកាលពីវេលាម៉ោង០២ និង១៥នាទីរសៀលថ្ងៃទី០៦ ខែមិថុនា ឆ្នាំ២០១៩ នៅចំណុចក្រោមដើមឈើក្រោយភូមិកាប់ទូក ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ។
បើតាមការអោយដឹងពីម្ចាស់គោបានប្រាប់សមត្ថកិច្ចអោយដឹងថានៅមុនពេលកើតហេតុនោះពួកគាត់ក៏ដូចជាប្រជាពលរដ្ឋក្នុងភូមិទាំងអស់បានព្រលែងសត្វគោអោយដើររកស៊ីស្មៅនៅតាមវាលស្រែ ស្រាប់តែនៅថ្ងៃរសៀល មានភ្លៀងធ្លាក់ខ្លាំងលាយឡំជាមួយផ្គររន្ទះផងនោះ ក៏ស្រាប់តែមានរន្ទះបាញ់ មួយកើតឡើងនៅ ចំណុច វាលស្រែ ក្រាំងចាស់ខាងកើតភូមិកាប់ទូក ឃុំព្រៃរំដួល ចំងាយប្រហែល៥០០ ម៉ែត្រ បណ្ដាលអោយងាប់សត្វ គោប្រជាពលរដ្ឋអស់ ចំនួន០៥ក្បាលក្នុងនោះមានសត្វគោ(ឈ្មោល០១ក្បាល)។
តាមការបញ្ជាក់ពីសមត្ថកិច្ចអោយដឹង ថាបន្ទាប់ពីធ្វើការស្រាវជ្រាវរកឃើញថាជាសត្វគោរបស់ឈ្មោះទី០១ឈ្មោះ សុខ ឃីន ភេទ ប្រុសអាយុ៦០ឆ្នាំមុខរបរកសិករ រស់នៅភូមិកាប់ទូក ឃុំព្រៃរំដួល ស្រុកភ្នំស្រួច ងាប់អស់សត្វ គោចំនួន០៤ក្បាលញីនិងទី០២-ឈ្មោះ យឹម រស្មី ភេទប្រុស អាយុ ៣៨ ឆ្នាំមុខរបរកសិករ រស់នៅភូមិកាប់ទូក ឃុំព្រៃរំដួល ស្រុកភ្នំស្រួច ងាប់អស់គោចំនួន០១ក្បាលឈ្មោល ។បន្ទាប់ពីមានករណីនេះឡើងបង្កអោយមានការភ្ញាក់ផ្អើល បានរាយការណ៍ទៅសមត្ថកិច្ចចុះទៅដល់កន្លែងកើតហេតុ សត្វគោខាងលើប្រគល់អោយម្ចាស់វិញ៕
