ខេត្តបាត់ដំបង៖បុរសម្នាក់ព្រោះរឿងប្រចណ្ឌប្រពន្ធបានប្រើអំពើហិង្សាកាប់ប្រពន្ធបណ្ដាលអោយរងរបួសធ្ងន់ធ្ងររីឯប្ដីស្មានថាប្រពន្ធស្លាប់ក៏រត់ទៅផ្ទះអ្នកជិតខាង រួចអាករសម្លាប់ខ្លួនឯងហេតុការណ៏នេះបានកេីតឡេីងនៅថ្ងៃទី១៣ ខែមិថុនា ឆ្នាំ២០១៩ នៅវេលាម៉ោង ១៧និង៤០នាទីល្ងាច នៅចំណុចផ្ទះលេខ ១៩៦ ក្រុមទី១៣ ភូមិដំណាក់ហ្លួង សង្កាត់ វត្តគរ ក្រុងបាត់ដំបង ខេត្តបាត់ដំបង ។
ប្រភពពីសមត្ថកិច្ចបានអោយដឹងថា ជនសង្សយ័ឈ្មោះ រ៉ាត់ ចិត្រា ភេទប្រុស អាយុ ២៨ឆ្នាំ មានទីលំនៅក្នុងភូមិដំណាក់ហ្លួង សង្កាត់ វត្តគរ ក្រុងបាត់ដំបង ខេត្តបាត់ដំបងត្រូវជាប្ដី បានប្រើហឹង្សាកាប់ទៅលើប្រពន្ធ ឈ្មោះ សុខ លីន អាយុ ២៧ ឆ្នាំ បណ្ដាលអោយរបួសធ្ងន់ធ្ងរ ហើយត្រូវបានក្រុមគ្រួសារ បញ្ជូនមកសង្រ្គោះបន្ទាន់នៅមន្ទីរពេទ្យយោធភូមិភាគទី៥(ពពីរ)។
ក្នុងខណៈពេលនោះប្ដីស្មានថាប្រពន្ធស្លាប់ក៏រត់ទៅផ្ទះអ្នកជិតខាង រួចអាករសម្លាប់ខ្លួនឯងតែម្ដងទៅ។
តាមការបំភ្លឺរបស់ឈ្មោះ គង់ សុធារិន ភេទប្រុស អាយុ ៤៧ឆ្នាំ បានបញ្ជាក់ថា នៅល្ងាចថ្ងៃទី១៣ ខែមិថុនា ឆ្នាំ២០១៩ វេលាម៉ោង ១៧និង២០នាទី ពេលខ្លួនកំពុងអង្គុយផឹកស្រាបៀរនៅមុខផ្ទះជាមួយបងប្អូន ស្រាប់តែ ឈ្មោះ រ៉ាត់ ចិត្រា ភេទប្រុស បានដើរ មកផ្ទះរបស់ខ្លួន ហើយបានខ្ចីកាំបិត ខ្លួនសួរថា យកកាំបិតធ្វើអី វាប្រាប់ថា ខ្ចីយកធ្វើទូរសព្ទ័ វាក៏ដើរមកជិតកាំជណ្ដើរផ្ទះ រួចស្រាប់តែអាករខ្លួនឯងស្លាប់តែម្ដងទៅ។
ក្រោយពេលកើតហេតុសមត្ថកិច្ចបានពិនិត្យសាកសពហើយសន្និដ្ឋានថា សាកសពពិតជាស្លាប់ដោយធ្វើអត្តឃាតដោយយកកាំបិតអាករសម្លាប់ខ្លួនឯងមែនរួចក៏ប្រគល់សពឲ្យក្រុមគ្រួសារធ្វើបុណ្យទៅតាមប្រពៃណី៕
