ភ្នំពេញ ៖ បុរសម្នាក់បាន ស្លាប់ភ្លាមៗនៅនិងកន្លែងកើតហេតុខណៈជិះម៉ូតូក្នុងល្បឿនលឿនមិនប្រយ័ត្នជ្រុលទៅបុករថយន្តពីក្រោយពេញទំហឹងហេតុការនេះបានកើតឡើង កាលពីវេលាម៉ោង១១និង៥០នាទីយប់ថ្ងៃទី១៣ ខែមិថុនា ឆ្នាំ២០១៩ ជិតនិងភោជនីដ្ឋាន “8888” ផ្លូវ៥០ម៉ែត្រ ភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
សពជនរងគ្រោះមានឈ្មោះ រិន កាមិត្ត ភេទប្រុស អាយុ ៣១ឆ្នាំ មុខរបរ កម្មករ សំណង់ ស្នាក់នៅ ភូមិស្រុកចេក សង្កាត់ជើងឯក ខណ្ឌដង្កោ មានស្រុកកំណេីត ស្រុកបាទីខេត្តតាកែវ ។ ជិះម៉ូូតូម៉ាក ឌ្រីមសង់ សេរី២០១៥ ពណ៌ខ្មៅ ពាក់ស្លាកលេខ ភ្នំពេញ 1CR-8373 ។
រថយន្ត ដឹកស៊ីទែនហ្គាស របស់ក្រុមហ៊ុន តារាធីស៊ី ហ្គាស ចំណុះ១តោនកន្លះ ម៉ាក ហ៊ីយ៉ានដាយ ពណ៌ខៀវ ពាក់ស្លាកលេខ
សៀមរាប 2A -7187 បើកបរ ដោយបុរសមិនស្គាល់ អត្តសញ្ញាណ បានរត់គេចខ្លួនបាត់ពីកន្លែងកើតហេតុ ។
បើកតាមប្រភពពត៌មាន ពីន្លែងកើតហេតុ បានអោយដឹងថា មុនពេលកើតហេតុ គេបានឃើញ រថយន្ត ដឹកស៊ីធុង ហ្គាស របស់ក្រុមហ៊ុន តារា ស៊ីធី ហ្គាស បានបើកមកដល់ ចំនុចខាងលើ ស្រាប់តែខូច ហើយចតស្ងៀមនៅលើផ្លូវ ហើយស្របពេលនោះដែរ ស្រាប់តែ បុរសខាងលើ បានជិះម៉ូតូ ម៉ាក ហុងដា ឌ្រីមសេរី ឆ្នាំ២០១៥ ពណ៌ខ្មៅ ធ្វើដំណើរមកក្នុងទិសដៅស្របគ្នាផ្លូវក៏ងងឹតផងទើបមើលមិនឃើញ ក៍ជ្រុលទៅបុកគូទរថយន្តដែលឈប់ស្ងៀមពីក្រោយពេញទំហឹង បណ្តាលអោយបោកក្បាល ធ្លាយខួរស្លាប់យ៉ាងអនោចអធម័នៅនិងកន្លែងកើតហេតុតែម្តង ។
អ្នកបើកបររថយន្តនិងបក្ខពួកវិញនៅពេលឃើញហេតុការណ៍បែបនេះ ក៍បាននាំគ្នារត់គេចខ្លួនបាត់អស់ទៅ ។ បន្តិចក្រោយមក ឃើញមានកម្លាំងសមត្ថកិច្ចមូលដ្ឋាន និងកម្លាំងជំនាញ់ចរាចរណ៍ផ្លូវគោកបានចុះទៅកន្លែងកើតហេតុ ដើម្បីពិនិត្យសាកសពផងដែរ ។
ក្រោយពេលកើតហេតុសពជនរងគ្រោះត្រូវបានសមត្ថកិច្ច ទំនាក់ទំនង ហៅសាច់ញាតិអោយមកទទួលយកទៅធ្វើបុណ្យ នៅស្រុកខាងប្រពន្ធ ខេត្តតាកែវ ចំនែករថយន្តនិងម៉ូតូត្រូវបានសមត្ថកិច្ចជំនាញ់ចរាចរណ៍ក្រុង បានចុះទៅធ្វើការវាស់វែងយកទៅរក្សាទុកនៅការរិយាល័យចរាចរណ៍ជើងគោករាជធានីភ្នំពេញ ដើម្បីរងចាំធ្វើការដោះស្រាយនៅពេលពេលក្រោយជាបន្តទៀត ៕
