ខេត្តបន្ទាយមានជ័យ៖ ជនជាតិថៃប្រុសស្រី៧ នាក់ ត្រូវបានកម្លាំងនគរបាលក្រុងប៉ោយប៉ែត ធ្វើការឃាត់ខ្លួនជាបន្តបន្ទាប់ ក្រោយពីរកឃើញថា ពួកគេជាប់ពាក់ពន្ធ័ករណីជួញដូរនិងប្រើប្រាស់គ្រឿងញៀន នៅលើអាគារជួល មួយកន្លែង ចំណុចខាងក្រោយកាស៊ីណូរីសត ក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ក្រោយសួនាំជនសង្ស័យទាំងនេះត្រូវបាន សមត្ថកិច្ចបញ្ជូនទៅតុលាការកាលពីរសៀលថ្ងៃទី១៦ ខែមិថុនា ឆ្នាំ២០១៩។
លោក សាង សុខុម អធិការរងផែនប្រឆាំងការជួញដូរគ្រឿងញៀន នៃអធិការដ្ឋាននគរបាលក្រុងប៉ោយប៉ែត បានឲ្យដឹងថា ជនជាតិថៃដែលសមត្ថកិច្ចចាប់ខ្លួន រួមមាន ៖ ១ ឈ្មោះ ថៈណាណាត់ កឺតណយ(ទី) ភេទប្រុស អាយុ៣៨ឆ្នាំ ជនជាតិថៃ មុខរបរគ្មាន។
ទី២ ឈ្មោះ ធុងឆៃ សីតធិ កន មេថាគុណ ភេទប្រុស អាយុ៣៣ឆ្នាំ ជនជាតិថៃ មុខរបរ គ្មាន។
ទី៣ ឈ្មោះ ចាន់ថា គៀតទិគុណកាងវាន ភេទស្រី អាយុ៣២ឆ្នាំ ជនជាតិថៃមុខរបរគ្មាន។
ទី៤ ឈ្មោះ ម៉ាលិនី ឃុងដេត ភេទស្រីអាយុ៣២ឆ្នាំ ភេទស្រី ជនជាតិថៃ មុខរបរ គ្មាន។
ទី៥ ឈ្មោះ ស៊ី បាកផយ ម៉ុងឃុនឆៃវុធ ភេទស្រី អាយុ៥៨ឆ្នាំ ជនជាតិថៃ មុខរបរ គ្មាន។
ទី៦ ឈ្មោះ សិរិកានយ៉ា តែងថង ភេទស្រី អាយុ៣៥ឆ្នាំ ជនជាតិថៃ មុខរបរ អនឡាញ។
ទី៧ ឈ្មោះ ខៀវ តាំង (ហៅទី) ភេទប្រុស អាយុ៣៤ឆ្នាំ ជនជាតិខ្មែរ មុខរបរ គ្មាន។
សមត្ថកិច្ចដកហូតបានវត្ថុតាងរួមមាន
១-ម្សៅក្រាមពណ៌សថ្លាចំនួន០៦កូនថង់។
២-ម្សៅម៉ត់ពណ៌ស សង្ស័យខេហិតចំនួន ០៣ កូនថង់។
៣-ថ្មាំគ្រាប់ចំនួន០៥បំណែក សង្ស័យថ្នាំគ្រវី មាន ពណ៌ប្រផេះចំនួន០២ បំណែក, ពណ៌លឿង ០១បំណែក ,ផ្កាឈូក០១បំណែក និងពណ៌ផ្កាឈូក ចំនួន០១បំណែកសង្ស័យWY(យ៉ាម៉ា)ជាប់នឹងក្រដាស់អាលុយមីញ៉ូម។
៤-បពង់ចូកថ្នាំញៀនចំនួន០២។
5-ដបកែវសម្រាប់ប្រើប្រាស់គ្រឿងញៀនចំនួន០២។
៦-បពង់កែវចំនួន ០៤ កំណាត់។
៧-កន្ត្រៃច្រឹបចំនួន០១។
៨-ដែកកេះចំនួន០៥។០៩-បពង់បឺតមួយថង់។
១០-ជញ្ជីងថ្លឹងថ្នាំញៀនចំនួន០១។
១១-ថង់កិបមាត់សម្រាប់ច្រកថ្នាំញៀនមួយចំនួន។
១២-ទរស័ព្ទដៃចំនួន ០៥ គ្រឿង។
១៣-ថ្មសាកទូរសព្ទចំនួន០១។
លោកឧត្តមសេនីយ៍ត្រី សិទ្ធ ឡោះ ស្នងការរងផែនព្រហ្មទណ្ឌ នៃស្នងការដ្ឋានគរបាលខេត្តបន្ទាយមានជ័យ បានឲ្យដឹងថា ជនសង្ស័យជនជាតិថៃទាំងនេះ ត្រូវបានចាប់ខ្លួនអំឡុងពេលដែលលោកដឹកនាំកម្លាំងនគរបាលព្រហ្មទណ្ឌកម្រិតធ្ងន់ និងកម្លាំងនគរបាលក្រុងប៉ោយប៉ែត ចុះស្រាវជ្រាវតាមរកមុខសញ្ញាជនជាតិចិនក្នុងករណីចាប់ជម្រឹត បែជាឃើញឃើញជនជាតិថៃកំពុងប្រមូលផ្តុំគ្នាលក់និងជក់គ្រឿងញៀន ទើបឃាត់ខ្លួនពួកគេយកមកសួរនាំតែម្តង។
បច្ចុប្បន្ន ក្រោយសួរនាំ ជនសង្ស័យទាំងនេះត្រូវបានសមត្ថកិច្ចកសាងសំណុំរឿងបញ្ជូនទៅការិយាល័យ ប្រឆាំងគ្រឿងញៀន ដើម្បីចាត់ការបបន្តតាមនិតិវិធី៕
