ភ្នំពេញ៖ ចៅក្រមស៊ើបសួរសាលាដំបូងរាជធានីភ្នំពេញ នៅល្ងាចថ្ងៃទី១៧មិថុនា ឆ្នាំ២០១ ៩ ម្សិលមិញ បានសម្រេចចេញដីកាបង្គាប់ឲ្យឃុំខ្លួន ជនជាតិស្បែកខ្មៅម្នាក់ និងស្រ្តីខ្មែរម្នាក់ ពីបទ ឆបោក ដាក់ពន្ធនាគារជាបណ្ដោះអាសន្ន ។
លោក សេង ហៀង តំណាងអយ្យការអមសលាដំបូងរាជធានីភ្នំពេញ កាលពីសៀលថ្ងៃទី១៦ ខែមិថុនា ឆ្នាំ២០១៩ បានសម្រេចធ្វើការចោទប្រកាន់ជនសង្ស័យ ឈ្មោះ NWOSU MARTINS អាយុ៣១ឆ្នាំ ជនជាតិអាហ្រ្វិកខាងត្បូង និង ស្រីស្នេហ៍ឈ្មោះ កាន ឡានីន ហៅស្រីអូន អាយុ៣៥ ឆ្នាំ ជនជាតិខ្មែរ ពីបទ ឆបោក តាមមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ។
សូមរំលឹកថា ជនសង្ស័យទាំង២នាក់ ត្រូវបានកម្លាំងសមត្តកិច្ចកងរាជអាវុធហត្ថរាជធានីភ្នំពេញ ឃាត់ខ្លួនកាលពីថ្ងៃទី១១ ខែមិថុនា ឆ្នាំ២ ០១៩ ដោយជាប់ពាក់ពន្ធក្នុងការបង្កើតអាខោន ហ្វេសប៊ុក ក្លែងបន្លំទំនាក់ទំនងមកជនរងគ្រោះឲ្យទុកចិត្ត និងសន្យាផ្ញើលុយឲ្យជនរងគ្រោះ បន្ទាប់មកប្រើល្បិចឲ្យជនរងគ្រោះចេញថ្លៃសេវា និងពន្ធផ្សេងៗ ដោយផ្ញើតាមវីងជាបន្តបន្ទាប់ចំនួន៣លើក ទី១ចំ នួន ៥៥០$, ទី២ចំនួន ៥,៣០០ដុល្លារអាមេរិក និងទី៣ចំនួន ៤,៧០០ដុល្លារអាមេរិក តាមពាក្យបណ្តឹងរបស់ជនរងគ្រោះ ។
ចំពោះលុយកាក់ដែលបោកបញ្ឆោតបាន ពីជនរងគ្រោះពួកគេ សុីចាយអស់ហើយ គ្មានប្រាក់សងវិញទេ៕
