ខេត្តបាត់ដំបង៖ស្ត្រីម្នាក់ពរពោះគ្រប់ខែម្នាក់បានមកដេករងចាំនៅមន្ទីរពេទ្យខេត្តបាត់ដំបង អោយជួយសម្រាលកូនឲ្យតែបែរជាអកុសល់ត្រូវបានស្លាប់ទាំងម្ដាយទាំងកូនគួរឲ្យសង្វេគនិងអាណោចអាធ័មបំផុតកាលពីថ្ងៃទី២១ ខែមិថុនា ឆ្នាំ២០១៩ នៅមន្ទីរពេទ្យខេត្តបាត់ដំបងដែលប្រពលរដ្ធរស់នៅទីនោះហៅថាពេទ្យធំ។
បើតាមបងស្រីបង្កើតរបស់សពជនរងគ្រោះបានប្រាប់អោយដឹងថា ប្អូនស្រីរបស់គាត់ឈ្មោះ ខឿត ស្រីម៉ៅ អាយុ២៧ឆ្នាំ បានទៅដេករងចាំការជួយសម្រាលកូនរបស់នាងជិតមួយសប្ដាហ៍ទៅហើយនៅឯមន្ទីរពេទ្យធំខេត្តបាត់ដំបង ហើយគាត់ឲ្យលោកពេទ្យពិនិត្យរៀងរាល់ថ្ងៃតែលោកពេទ្យនោះថាមិនអីទេ មិនអីទេ លុះដល់ថ្ងៃទី២១ ខែមិថុនា ឆ្នាំ២០១៩ ពេលប្អូនស្រីគាត់ឈឺសម្រាលខ្លាំងក៏ចូលបន្ទប់សម្រាលតែទោះបីយ៉ាងណានាងបានស្លាប់រួមជាមួយកូនរបស់នាងក៏ស្លាប់ដែរដោយពេទ្យថាហូរឈាមច្រើនពេកឃាត់មិនជាប់។
ស្ត្រីជាបងស្រីសពស្ត្រីបានស្លាប់ពេលឆ្លងទន្លេនោះ បានបន្តប្រាប់ទៀតថា សូមឲ្យបុគ្គលិកមន្ទីពេទ្យខេត្ដបាត់ដំបង(ពេទ្យធំ)ទាំងចេះធ្វើការដោយទទួលខុសត្រូវផងបើខ្លួនអសមត្ថភាពហេតុអ្វីមិនប្រាប់បងប្អូនសាច់ញាតិសពជនរងគ្រោះឲ្យយកទៅមន្ទីរពេទ្យផ្សេងទៅ។
ពលរដ្ឋម្នាក់ដែលយកសាច់ញាតិទៅព្យាបាលនៅពេទ្យនោះបានបង្ហើបប្រាប់ថា មានពេទ្យបម្រើការងារនៅក្នុងមន្ទីរពេទ្យខេត្ដបាត់ដំបង(ពេទ្យធំ)នោះមួយចំនួនប្រើពាក្យសម្ដីអាក្រក់មិនសមរម្យជាមួយអ្នកជំងឺឬអ្នកទៅកំដរអ្នកជំងឺទេ។
បងស្រីរបស់សពបានបន្តទៀតថា គ្មានលោកពេទ្យណាចេញមុខទទួលខុសត្រូវលើការស្លាប់បាត់បង់ជីវិតទាំងម្ដាយកូនរបស់ប្អូនស្រីគាត់នោះទេ។
ហើយគាត់បានបន្តថាប្អូនស្រីគាត់ធ្លាប់បានឆ្លងទន្លេបង្កើតកូនម្ដងរួចហើយ នេះជាការសម្រាលលើកទី២ ដោយកូនដំបូងរបស់នាងមានអាយុ៧ឆ្នាំទៅហើយភេទស្រី។
បច្ចុប្បន្នសពស្ត្រីរងគ្រោះត្រូវបានម្ដាយនិងសាច់ញាតិយកទៅធ្វើបុណ្យតាមប្រពៃណីនៅស្រុកស្ទឹងសង្កែ ខេត្តបាត់ដំបងហើយ៕
