ឧត្តរមានជ័យ ៖ គ្រោះថ្នាក់ចរាចរណ៍រវាងម៉ូតូ និងគោយន្តកន្ត្រៃបណ្ដាលអោយមនុស្ស៣នាក់រងរបួសធ្ងន់ស្រាលក្នុងនោះមានមន្ត្រីនគរបាលផងដែរ នៅផ្លូវខេត្តលេខ២៦៨៦ ចន្លោះបង្គោលគីឡូម៉ែត្រលេខ១៥-១៦ បានកើតឡើងកាលពីវេលាម៉ោង១៦និង០០នាទីល្ងាច ថ្ងៃទី២៣ ខែមិថុនា ឆ្នាំ២០១៩ ស្ថិតនៅក្នុងភូមិឈូកមាស សង្កាត់កូនគ្រៀល ក្រុងសំរោង ខេត្តឧត្តរមានជ័យ បណ្តាលឲ្យរបួសចំនួន ២នាក់ ធ្ងន់១និងស្រាល១។
ប្រភពពីសមត្ថកិច្ចបានអោយដឹងថាអ្នកបើកបរម៉ូតូ YAMAHA EXCITER ពណ៌ខៀវ គ្មានពាក់ស្លាកលេខ ដោយឈ្មោះ ស៊ីវ សុផេង ភេទប្រុស អាយុ២១ឆ្នាំ មុខរបរមន្ត្រីនគរបាល កំពុងតែរៀននៅសាលាភូមិភាគ៤ ខេត្តព្រះវិហាររស់នៅភូមិបន្ទាយចាស់ ឃុំចុងកាល់ ស្រុកចុងកាល់ ខេត្តឧត្តរមានជ័យ របួសធ្ងន់បាក់ដៃខាងស្តាំ និងជើងខាងស្ដាំដោយធ្វេីដំណេីរពីលិចទៅកើត និងអ្នករួមដំណីេរម្នាក់ឈ្មោះ ឡា ឡឹង ភេទប្រុស អាយុ២៤ឆ្នាំ មុខរបរមន្ត្រីនគរបាល កំពុងតែរៀននៅសាលាភូមិភាគ៤ ខេត្តព្រះវិហារ រស់នៅភូមិត្នោត សង្កាត់បន្សាយរាក់ ក្រុងសំរោង ខេត្តឧត្តរមានជ័យ របួសស្រាល បានបើកបរម៉ូតូ បើកបរក្នុងល្បឿនលឿន មិនមានការប្រុងប្រយ័ត្ន ទៅបុកគោយន្តកន្ត្រៃពីខាងក្រោយផ្នែកខាងឆ្វេងចំណែករីឯអ្នកបើកបរគោយន្តកន្ត្រៃ ឈ្មោះ ឡាត់ រដ្ឋា ភេទប្រុស មុខរបរកសិករ រស់នៅភូមិឈូកមាស សង្កាត់កូនគ្រៀល ក្រុងសំរោង ខេត្តឧត្តរមានជ័យ បានរត់គេចខ្លួនបាត់បើកបរស្របទិសគ្នាពីលិចទៅកើត។
ក្រោយពេលកើតហេតុកម្លាំងប៉ុស្តិ៍ សហការជាមួយកម្លាំងចរាចរណ៍ក្រុង បានចុះទៅដល់កន្លែងកើតហេតុ បញ្ជូនអ្នករងគ្រោះទៅកាន់មន្ទីរពេទ្យខេត្ត និងធ្វើការវាស់វែងកន្លែងកើតហេតុចំណែកវត្ថុតាងទាំងពីរ កម្លាំងនគរបាលចរាចរណ៍ក្រុង បានយកទៅរក្សាទុកនៅអធិការដ្ឋានក្រុងសំរោង ដើម្បីរៀបចំនីតិវិធីបន្ត៕
