ភ្នំពេញ៖ បុរសវ័យជាង៤០ឆ្នាំម្នាក់ត្រូវប្រជាពលរដ្ឋប្រទះឃើញដេកស្លាប់ក្នុងថ្លុកឈាមយ៉ាងអាណោចអាធម៍សង្ស័យរថយន្តបើកបុក កាលពីម៉ោង០៨និង៤៥នាទីថ្ងៃទី២៣ខែមិថុនាឆ្នាំ២០១៩នៅតាមបណ្តោយផ្លូវជាតិលេខ០២ខាងត្បូងរង្វង់មូលគួស្រូវក្នុងសង្កាត់រលុះ ខណ្ឌដង្កោ រាជធានីភ្នំពេញ។
សព មិនទាន់ស្គាល់អត្តសញ្ញាណទេគ្រាន់តែមានភិនភាគពិការជើងខាងស្តាំ ស្លៀកខោខ្លី(លីអូរ)ដោះអាវ មានអាយុជាង៤០ឆ្នាំ។
ប្រភពពីសមត្ថកិច្ចបានអោយដឹងថាមុនពេលកើតហេតុមានប្រជាពលរដ្ឋបានរាយការណ៍ប្រាប់ថាមានឃើញមនុស្សដេកស្លាប់នៅលើផ្លូវជាតិ០២ដោយសង្ស័យករណីចរាចររថយន្តបើកបុកហើយគេចខ្លួនបាត់បន្សល់ទុកតែជនរងគ្រោះនៅនិងកន្លែង។
ក្រោយកើតហេតុសមត្ថកិច្ចបានចុះទៅដល់ធ្វើការត្រួតពិនិត្យនិងទាក់ទងរកសាច់ញាតិភ្លាមៗផងដែតែរកមិនទាន់ឃើញទេ។បច្ចុប្បន្នសពជនរងគ្រោះសមត្ថកិច្ចបានដឹកយកមកដំកល់ទុកនៅវត្តសំប៊ូមាសដើម្បីរងចាំរកសាច់ញាតិមកទទួលធ្វើបុណ្យតាមប្រពៃណី៕
