ខេត្តតាកែវ ៖ នៅថ្ងៃទី២៤ ខែមិថុនា ឆ្នាំ២០១៩វេលាម៉ោង១៥និង ៣០ នាទីល្ងាចមានករណីគ្រោះថ្នាក់ចរាចរណ៍នៅលើផ្លូវជាតិលេខ ២ ចន្លោះគីឡូម៉ែត្រលេខ ៥៣ -៥៤ ស្ថិតនៅភូមិវាយឈ្នះ ឃុំរវៀង ស្រុកសំរោង ខេត្តតាកែវ រវាងរថយន្ត និងម៉ូតូបណ្ដាលអោយស្លាប់ម្នាក់និង របួសម្នាក់ ។
ប្រភពពីសមត្ថកិច្ចបានអោយដឹងថា ម៉ូតូម៉ាកគុបមូលសេ ៥០ ពណ៌សំបកឪឡឹក ពាក់ស្លាកលេខ 0918 តក1 បើកបរដោយឈ្មោះ ឡោ ប៊ុន ភេទប្រុស អាយុ ៥២ឆ្នាំ រស់នៅភូមិព្រៃបាយ ឃុំព្រៃបាយ ស្រុកកោះអណ្ដែត ខេត្តតាកែវ រងរបួសស្រាល អ្នករួមដំណើរឈ្មោះ ចាន់ ផាត់ ភេទប្រុស អាយុ ១១ឆ្នាំ រស់នៅភូមិឃុំជាមួយគ្នា បានស្លាប់នៅនឹងកន្លែងកើតហេតុ ចំរីឯរថយន្តម៉ាកហ៊ីយ៉ាន់ដាយចំណុះ ៥តោន ពណ៌ស ពាក់ស្លាកលេខព្រះសីហនុ 3A. 3137 អ្នកបើកបរមិនស្គាល់អត្តសញ្ញាណក្រោយកើតហេតុបានរត់គេចខ្លួនបាត់លុះមកដល់ចំណុចកេីតហេតុបានបុកម៉ូតូពីក្រោយបណ្ដាលអោយបុរសម្នាក់ស្លាប់ភ្លាមៗនៅនិងកន្លែងកេីតហេតុតែម្ដង។
បច្ចុប្បន្នសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ចំណែកវត្ថុតាងត្រូវបានយកមករក្សាទុកនៅអធិការដ្ឋាននគរបាលស្រុកសំរោង៕
