ភ្នំពេញ៖ បុរសម្នាក់ស្រវឹងស្រា បើករថយន្តមួយគ្រឿង ក្នុងល្បឿនលឿន រេចង្កូតឡើងលើសួនច្បារ ជ្រុលទៅបុកខឿនព្រះឆាយាល័ក្ខ តាំងរូបសម្តេចយាយ រងការខូចខាតយ៉ាងដំណំ ហេតុការណ៍នេះកើតឡើងកាលពីវេលាម៉ោង ១២,និង២០នាទី យប់រំលងអាធ្រាត្រ ឈានចូលថ្ងៃទី ២៦ ខែ មិថុនា ឆ្នាំ២០១៩ ស្ថិតនៅចំណុចអាកាសចរសិុវិល តាមបណ្តោយផ្លូវសហព័ន្ធរុស្ស៊ី ក្នុងសង្កាត់កាកាប១ ខណ្ឌពោធិសែនជ័យ ភ្នំពេញ។
តាមប្រភពពីកន្លែងកើតហេតុបានឲ្យដឹងថា មុនកើតហេតុ គេឃើញបុរសម្នាក់ស្រវឹងស្រជោក បើករថយន្តមួយគ្រឿង ម៉ាករ៉េហ្វរ ពណ៌ខ្មៅ ពាក់ស្លាកលេខ ភ្នំពេញ 2K-2670 ទិសដៅពីលិចទៅកើត ក្នុងស្ថានភាពស្រវឹង ខណៈមកដល់ចំណុចកើតហេតុ បានរេចង្កូតមកខាងស្តាំដៃឡើងលើសួនច្បារ ជ្រុលទៅបុកខឿន តាំងរូបព្រះឆាយាល័ក្ខសម្តេចយាយ បណ្តាលអោយប្រេះបែកបែក រងរការខូចខាត ចំណែករថយន្តបង្កខូចខាតផ្នែកខាងមុខយ៉ាងដំណំ។
ក្រោយកើតហេតុ សមត្ថកិច្ចបានចុះមកដល់ ទំនាក់ទំនងទៅសមត្ថកិច្ចជំនាញ ចុះមកធ្វើការវាស់វែងយករថយន្តបង្កទៅរក្សាទុកនៅ ការិយាល័យចរាចរណ៍ផ្លូវគោក រាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់៕លោក ប៉ែន ឡា
