ខេត្ដព្រៃវែង៖នៅថ្ងៃទី២៦ខែមិថុនាឆ្នាំ២០១៩វេលាម៉ោង១៥និង២០នាទីរសៀល សមត្ថកិច្ចបានធ្វើការបង្រ្កាប ករណីលួចកាច់សោរកម៉ូតូដោយឃាត់ខ្លួនបានជនសង្សយ័ម្នាក់នៅចំណុចវត្តព្រហ្ម ស្ថិតក្នុងភូមិ ព្រហ្ម ឃំុ ព្រៃព្នៅ ស្រុកពារាំង ខេត្ដព្រៃវែង។
ប្រភពពីសមត្ថកិច្ចបានអោយដឹងថាជនសង្ស័យម្នាក់មានឈ្មោះ អឿន សុធា ភេទប្រុស អាយុ ២៣ឆ្នាំ នៅភូមិ កែវសីម៉ា ឃំុកែវសីម៉ា ស្រុកកែវសីម៉ា ខេត្ត មណ្ឌលគិរី បានធ្វើសកម្មភាព លួចកាច់សោរ ក ម៉ូតូ ១គ្រឿងម៉ាក C125 ពណ៌ ខ្មៅ ដែលពាក់ស្លាកលេខ ព្រៃវែង 1G- 6924ដែលម្ចាស់ម៉ូតូជិះយកទៅទុកក្នុងវត្ត។
រីជនរងគ្រោះមានឈ្មោះ មឿង ទិត ភេទ ប្រុស អាយុ ៨៧ឆ្នាំ នៅភូមិព្រហ្ម ឃុំព្រៃព្នៅ ស្រុកពារាំង ខេត្ដព្រៃវែង។
ក្រោយពេលធ្វើសកម្មភាព ជនសង្ស័យត្រូវសមត្ថកិច្ចឃាត់ខ្លួនបាន បច្ចុប្បន្នកំពុងបំពេញសំណុំរឿងតាមនីតិវិធី ចំណែកម៉ូតូត្រូវបានប្រគល់ជូនម្ចាស់ដើមវិញ៕
