ខេត្តមណ្ឌលគិរី ៖ នៅវេលាម៉ោង១៧និង០០នាទី ថ្ងៃពុធ ទី២៦ ខែមិថុនា ឆ្នាំ២០១៩ នៅលើផ្លូវជាតិលេខ ៧៦ អា ស្ថិតភូមិអូរយ៉េះ ឃុំស្រែសង្គម
ស្រុកកោះញែក ខេត្តមណ្ឌលគិរីមានករណីគ្រោះថ្នាក់ចរាចរណ៍មួយយ៉ាង រន្ធត់ បណ្តាលអោយមន្ត្រីនគរបាល ម្នាក់ស្លាប់ភ្លាមៗនៅនិងកន្លែងកេីតហេតុ ។
ប្រភពពីសមត្ថកិច្ចបានអោយដឹងថា កណីគ្រោះថ្នាក់ចរាចរណ៍មួយ កើតឡើង ដោយរថយន្តម៉ាកhyundaiពណ៌ស ពាក់ស្លាកលេខភ្នំពេញ 3D -7408បើកបរក្នុងទិសដៅពីលិចទៅកើតលុះមកដល់កន្លែងកេីតហេតុបានបុក និងម៉ូតូគ្មានស្លាកលេខ មួយគ្រឿងម៉ាក់wave
បេីកបរដោយឈ្មោះភាន ផល ភេទប្រុស អាយុ៥៣ឆ្នាំជនជាតិខ្មែរ ជាមន្ត្រីប៉ូលិស មានឋានន្តរស័ក្តិ អនុសេនីយ៍ឯកនាយផ្នែកស្ថិតិនៃអធិការដ្ឋាននគរបាលស្រុកកោះញ៉ែកដោយបេីកបរក្នុងទិសដៅពីកេីតមកលិច បណ្តាលឲ្យស្លាប់នៅកន្លែងកើតហេតុភ្លាមៗ។
ក្រោយមកសមត្ថកិច្ចបានចុះមកវាស់វែង ធ្វើកំណត់ហេតុ រួចបញ្ជូន វត្ថុតាងទៅអធិការស្រុក កោះញែក ដើម្បីកំណត់ហេតុ ទៅតាម នីតិវិធី៕
