ភ្នំពេញ៖ កម្លាំងនគរបាលប៉ុស្តិ៍រដ្ឋបាលទឹកថ្លាបានធ្វើការឃាត់ខ្លួនជនសង្ស័យចំនួន០៧នាក់ ពាក់ព័ន្ធករណីជួញូដូរដោយខុសច្បាប់នូវសារធាតុញៀននៅថ្ងៃទី២៧ ខែមិថុនា ឆ្នាំ២០១៩ វេលាម៉ោង១៧ និង០០នាទី នៅចំណុចតាមផ្លូវលំ ភូមិបុរីកម្មករ សង្កាត់ទឹកថ្លា ខណ្ឌសែនសុខ ។
ប្រភពពីសមត្ថកិច្ចបានឲ្យដឹងថាបានឃាត់ខ្លួន ជនសង្ស័យចំនួន ០៧នាក់រួមមាន៖ ទី១-ឈ្មោះ សម្បតិ្ត រដ្ឋា ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដស្នាក់នៅភូមិផ្សារដើមគរ សង្កាត់បឹងសាលាង ខណ្ឌទួលគោក ។ ទី២-ឈ្មោះ ព្រំ សារ៉េត ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបុរីកម្មករ សង្កាត់ទឹកថ្លា ខណ្ឌសែនសុខ ។ទី៣-ឈ្មោះ យ៉ុង រិទ្ធី ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដស្នាក់នៅភូមិ១៣ សង្កាត់ទឹកល្អក់៣ ខណ្ឌទួលគោក ។ទី៤-ឈ្មោះ លន់ ឆៃយ៉ា ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបុរីកម្មករ សង្កាត់ទឹកថ្លា ខណ្ឌសែនសុខ ។ ទី៥-ឈ្មោះ សេង ណារ៉ូ ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបុរីកម្មករ សង្កាត់ទឹកថ្លា ខណ្ឌសែនសុខ ។ទី៦-ឈ្មោះ នី ខួច ភេទស្រី អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ផ្លូវលំ ភូមិបុរីកម្មករ សង្កាត់ទឹកថ្លា ខណ្ឌសែនសុខ ។ទី៧-ឈ្មោះ ម៉េង ស្រីនាត ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបុរីកម្មករ សង្កាត់ទឹកថ្លា ខណ្ឌសែនសុខ ។
សម្ភារៈដកហូត ៖ ក្រាមសថ្លា០៥កូនថង់តូច ។
សមត្ថកិច្ចបានបន្តទៀតថានៅមុនពេលកើតហេតុ ប៉ុស្តិ៍ទឹកថ្លា បានទទួលព័ត៌មានពីប្រជាពលរដ្ឋ ថានៅចំណុចខាងលើ មានមនុស្សមួយក្រុម កំពុងនាំគ្នាចែកចាយ និងជក់គ្រឿងញៀន ក្រោយពីទទួលព័ត៌មាន សមត្ថកិច្ចយើងបានចុះ ដល់ចំណុចកើតហេតុខាងលើ ត្រួតពិនិត្យរកឃើញវត្ថុតាងខាងលើ រួចនាំខ្លួនជនសង្ស័យយកមកធ្វើការសាកសួរ នៅអធិការដ្ឋាននគរបាលខណ្ឌសែនសុខ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
