ភ្នំពេញ៖ ជនសង្ស័យម្នាក់ត្រូវបានសមត្ថកិច្ចនគរបាលប៉ុស្តិ៍រដ្ឋបាលទឹកថ្លាឃាត់ខ្លួនក្រោយពេលរូបគេបានលួចម៉ូតូរបស់ជនរងគ្រោះនៅថ្ងៃទី៣០ ខែមិថុនា ឆ្នាំ២០១៩ វេលាម៉ោង ១៦ និង០០នាទី នៅចំណុចមុខបន្ទប់ជួល ផ្លូវបេតុង ភូមិបូរី១០០ខ្នង សង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីសមត្ថកិច្ចបានឲ្យដឹងថាបានឃាត់ខ្លួន ជនសង្ស័យម្នាក់មាន ឈ្មោះ សន បូរី ភេទប្រុស អាយុ២៤ឆ្នាំ ជនជាតិខ្មែរ មុខរបរនិស្សិត ស្នាក់នៅបន្ទប់ជួល ផ្លូវបេតុង ភូមិបូរី១០០ខ្នង សង្កាត់ទឹកថ្លា ខណ្ឌសែនសុខ ។(មានសារធាតុញៀន) ។
ជនរងគ្រោះម្នាក់មាន ឈ្មោះ ថោង ប៉ាលីណា ភេទប្រុស អាយុ៤៦ឆ្នាំ ជនជាតិខ្មែរ មុខរបរបុគ្គលិកអង្គការNGO ស្នាក់នៅបន្ទប់ជួល ផ្លូវបេតុង ភូមិបូរី១០០ខ្នង សង្កាត់ទឹកថ្លា ខណ្ឌសែនសុខ ។
សម្ភារៈបាត់បង់ ៖ ម៉ូតូ០១គ្រឿងម៉ាក សេ១២៥ ពណ៌ខ្មៅ ផលិតឆ្នាំ២០១៤ ពាក់ស្លាកលេខភ្នំពេញ1CS-3563 ។
សម្ភារៈដកហូត ៖ ទូរសព្ទ័ដៃ០១គ្រឿង ម៉ាកអាយហ្វូន របស់ជនសង្ស័យ ។
សមត្ថកិច្ចបានបន្តទៀតថានៅ មុនពេលកើតហេតុថ្ងៃទី០៦-០៦-២០១៩ ជនរងគ្រោះបានទុកម៉ូតូរបស់ខ្លួនទៅទុកកន្លែងដាក់ម៉ូតូរបស់ម្ចាស់ផ្ទះជួល ចំណុចកើតហេតុខាងលើ រួចជនរងគ្រោះបានចេញទៅធ្វើការនៅខេត្តត្បូងឃ្មុំ ។ បន្ទាប់ជនរងគ្រោះបានឲ្យជនសង្ស័យស្នាក់នៅក្នុងបន្ទប់ជួលរបស់ខ្លួន ហើយជនសង្ស័យបានយកកូនសោរម៉ូតូទៅចាក់លួចរបស់ម៉ូតូបានគេចខ្លួនបាត់ រហូតដល់ថ្ងៃទី៣០-០៦-២០១៩ វេលាម៉ោង១៦ និង០០នាទី ជនរងគ្រោះមកពីខេត្តវិញបានឃើញជនសង្ស័យកំពុងនៅក្នុងបន្ទប់ជួលរបស់ខ្លួនក៍សួរនាំ រួចបាននាំខ្លួនជនសង្ស័យប្រគល់ឲ្យសមត្ថកិច្ចប៉ុស្តិ៍ទឹកថ្លាធ្វើការសាសួរ ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីការតាមនិតិវិធីច្បាប់ ៕
