ភ្នំពេញ៖ កាមរីឆ្លាមមួយគ្រឿងបោះពួយយ៉ាងលឿន ទៅបុកបង្កាន់ដៃស្ពានអាកាសផ្សារដីហុយផ្នែកខាងលិចពេញទំហឹងបណ្តាលរថយន្តខ្ទេចផ្នែកខាងមុខបែក រាយប៉ាយខូចខាតយ៉ាងដំណំ។កាលពីវេលាម៉ោង១០យប់ថ្ងៃទី៣០ខែមិថុនាឆ្នាំ២០១៩ស្ថិតចំណុចស្ពានអាកាសផ្សារដីហុយផ្នែកខាងលិច តាមបណ្តោយផ្លូវសហពន្ធ័រុស្សី ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។
សមត្ថកិច្ចបានប្រាប់អោយដឹងថានៅមុនពេលកើតហេតុបានឲ្យដឹងថាមុនកើតហេតុគេឃើញរថយន្តកាមរីឆ្លាមមួយគ្រឿងពណ៌ស្កពាក់ស្លាកលេខ ភ្នំពេញ2P-4861ធ្វើដំណើរក្នុងទិសដៅពីលិចទៅកើតខណៈមកដល់ចំណុចកើតហេតុខាងលើបានជ្រុលចង្កូត ទៅបុកបង្កាន់ដៃស្ពានអាកាសពេញទំហឹងបណ្តាលឲ្យរថយន្តខ្ទេចផ្នែកខាងមុខយ៉ាងដំណំចំណែកអ្នកបើកបរមិនឃើញនៅនិងកន្លែងកើតហេតុនោះទេ។រីឯបង្កាន់ដៃស្ពានរងការខូចខាតតិចតួចផងដែរ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕សំនៀង
