ស្វាយរៀង៖កម្លាំងអធិការដ្ឋាននគរបាលក្រុងបាវិត រួមនឹងកម្លាំងប៉ុស្តិ៍នគរបាលរដ្ឋបាលបាវិត សហការជាមួយកម្លាំងជំនាញការិយាល័យប្រឆាំងគ្រឿងញៀនខេត្តស្វាយរៀង និងកម្លាំងវរៈសេនាតូច៦០៩ និង៦១១ នៅវេលាម៉ោង៨និង១០នាទីយប់ថ្ងៃទី៣០ខែមិថុនាមិថុនាឆ្នាំ២០១៩នេះ បានធ្វើការស៊ើបអង្កេតស្រាវជ្រាវ ឈានទៅបង្ក្រាបមុខសញ្ញាជួញដូរគ្រឿងញៀន បានពីរនាក់ នៅផ្ទះជួល ស្ថិតនៅក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
ប្រភពពីសមត្ថកិច្ចបានឲ្យដឹងថា ជនសង្ស័យ២នាក់រួមមានទី១-ឈ្មោះ វិន ធីឡាង ភេទស្រី អាយុ ៥៦ឆ្នាំ ជនជាតិ វៀតណាម ស្រុកកំណើតភូមិធីវ៉ា ឃុំមីថាន់ ទីរួមខេត្តឡុងសៀង ប្រទេសវៀតណាម មានទីលំនៅបច្ចុប្បន្នផ្ទះជូលភូមិបាវិតកណ្តាល សង្កាត់បាវិត ក្រុងបាវិត ដកហូតវត្ថុតាងម៉្សៅក្រាមពណ៌សថ្លា ប្រភេទមេតំហ្វេតាមីន ចំនួន២កញ្ចប់ ទម្ងន់២៧ក្រាម២៣មីលីក្រាម ។
ទី២-ឈ្មោះ រ័ត្ន ដែប ភេទស្រី អាយុ ៣៧ឆ្នាំ ជនជាតិ វៀតណាម មុខរបរ នៅការបុគ្គលិកកាស៊ីណូ រស់នៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ដកហូតវត្ថុតាងម្សៅក្រាមពណ៌សថ្លា ប្រភេទមេតំហ្វេតាមីនចំនួន ២២កញ្ចប់ធំ ទម្ងន់៤៥១ក្រាម៩២មីលីក្រាម។
ជនសង្ស័យរួមទាំងវត្ថុតាង ត្រូវបានសមត្ថកិច្ចឃាត់ខ្លួនជាបណ្តោះអាសន្ន នៅអធិការដ្ឋាននគរបាលក្រុងបាវិត ដើម្បីកសាងសំណុំរឿង បញ្ជូនទៅការិយាល័យជំនាញខេត្ត ចាត់ការបន្តទៅតាមនីតិវិធី៕
