ខេត្តបាត់ដំបង៖មានរថយន្ត១គ្រឿងម៉ាកNISANNបានបើកក្នុងល្បឿនលឿនបានក្រឡាប់ដោយខ្លួនឯងកាលពីវេលាម៉ោង០០និង១៥នាទី ស្ថិតនៅចំណុចមុខរោងចក្រចិនភូមិតាគ្រក់ឃុំតរែង ស្រុករតនមណ្ឌល ខេត្តបាត់ដំបង បណ្តាលឲ្យស្លាប់ម្នាក់និងរងរបួសម្នាក់។
សមត្ថកិច្ចមូលដ្ឋាននៅកន្លែងកើតហេតុបានឲ្យដឹងថា កាលពីវេលា ម៉ោង០០និង១៥នាទីថ្ងៃទី៧ ខែកក្កដាឆ្នាំ២០១៩ ស្ថិតនៅចំណុចមុខរោងចក្រចិនភូមិតាគ្រក់ឃុំត្រែងស្រុករតន
មណ្ឌលខេត្តបាត់ដំបង មានករណីគ្រោះថ្នាក់ចរារណ៍មួយកើតឡើងដោយ រថយន្ត១គ្រឿងម៉ាកនីសាន់ពណ៌ទឹកប្រាក់ពាក់ស្លាកលេខ2F-2489 បានបើកបោះបោះពួយយ៉ាងលឿន លុះពេលមកដល់កន្លែងកើតហេតុ ផ្លូវកោងជាន់ហ្វ្រាំងមិនសុីទើប បណ្តាយឲ្យធ្លាក់ទៅក្នុងប្រឡាយធ្វើឲ្យរថយន្តក្រឡាប់បី បួនត្រឡប់ធ្វើឲ្យអ្នកបើកបរស្លាប់និងអ្នករួមដំណើរបានរងរបួសធ្ងន់ នៅនឹងកន្លែង។
ប្រភពពីសម្ថកិច្ចនគរបាលបានបញ្ជាក់ ថា ជនរងគ្រោះរងទាំង២នាក់មាន ទី១.ឈ្មោះ ភ័ណ្ឌ ផល ភេទប្រុសអាយុ៣៧ឆ្នាំ រស់នៅភូមិប៉ាហ៊ី សង្កាត់ប៉ៃលិន ខេត្តប៉ៃ លិន (ស្លាប់)
ទី២.អ្នករួមដំណើរជាមួយជនរងគ្រោះឈ្មោះ ខ្លី ភេទប្រុស អាយុ៣៧ឆ្នាំរស់
នៅ ភូមិជីប៉ាងជើង សង្កាត់ប៉ៃ លិនក្រុងប៉ៃលិន រងរបួសធ្ងន់បញ្ជូនទៅមន្ទីរពេទ្យប៉ៃលិន។
អ្នកទាំងមានមានទីលំនៅក្នុងភូមិឃុំជាមួយគ្នា ដោយធ្វើដំណើរពីប៉ៃ លិនឆ្ពោះទៅទីរួមខេត្តបាត់ដំបង។
ក្រោយកើតហេតុសមត្ថកិច្វបានជួយ ដឹកអ្នករងរបួសទៅសង្រ្គោះនៅមន្ទីរពេទ្យខេត្តប៉ៃ លិន និងអ្នកស្លាប់បានដឹកយកទៅគេហដ្ឋានប្រគល់ឲ្យក្រុមគ្រួសារធ្វើបុណ្យតាមប្រពៃណី។
ចំណែករថយន្តសមត្ថកិច្ចបានអូស យកមករក្សាទុកនៅអធិការដ្ឋាន នគរបាលស្រុកជាបណ្តោះអាសន្នរងចាំប្រគល់ទៅឲ្យក្រុមគ្រួសារជនរងគ្រោះវិញ៕
