ខេត្តកំពង់ស្ពឺ ៖ រថយន្តដឹកអុសមួយគ្រឿងខុសលក្ខណៈបច្ចេកទេស ដាច់កង់ក្រោយរត់ចោលតួរថយន្ដបណ្តាលអោយខូចបង្កអោយមានការភ្ញាក់ផ្អើលទាំងព្រឹកនៅតាមបណ្តោយផ្លូវជាតិលេខ៤ ស្ថិតនៅក្នុងសង្កាត់រការធំ ក្រុងច្បារមន ខេត្តកំពង់ស្ពឺ មូលហេតុដាច់កង់រត់ចោលតួរថយន្ដ ទ្រាំទ្រលែងបាន កាលពីថៃ្ងទី១១ ខែកក្កដា ឆ្នាំ២០១៩ ត្រង់ចន្លោះបង្គោលគីឡូ ម៉ែត្រលេខ ៤៥ទៅលេខ៤៦ ក្នុងភូមិសាស្ត្រសង្កាត់រការធំ ក្រុងច្បារមន ខេត្តកំពង់ស្ពឺ មានរថយន្តកូរ៉េ មួយគ្រឿង គ្មានស្លាកលេខ (ជាប្រភេទរថយន្ដដឹកអុសឡលក់) បានដាច់កង់ក្រោយរត់ចោលតួរថយន្ដ ដោយសារ តែទ្រាំទ្រលែងបានជាមួយទម្ងន់ដ៏ធ្ងន់ ពិសេសការបេីកបរមិនជួសជុលតែម្ដង ពីសំណាក់ថៅកែ។
មិនថាកន្លងមកសមត្ថកិច្ចពាក់ព័ន្ធមិនបានយកចិត្ដទុកដាក់ក្នុងការអនុវត្ដន៍ច្បាប់នោះទេ ប៉ុន្តែកត្តាជីវភាពប្រជាពលរដ្ឋ ទោះបីយ៉ាងណាសមត្ថកិច្ចនៅតែបន្ដអនុវត្ដន៍បានមុឹងម៉ាត់១០០%។
តាមការបញ្ជាក់ពីលោកឧត្ដមសេនីយ៍ត្រី តាប់ លន ស្នងការរងទទួលផែនការងារសណ្ដាប់ធ្នាប់នៃស្នងការដ្ឋាននគរបាលខេត្ត បានអោយដឹងថានៅពេលខាងមុខនេះ កំលាំងនគរបាលចរាចរណ៍ ទូទាំងខេត្ត បានចេញប្រតិបត្ដិការពង្រឹងការអនុវត្ត ច្បាប់ចរាចរណ៍ផ្លូវគោកដែលមានគណៈកម្មាការសុវត្ថិភាពចរាចរណ៍ផ្លូវគោក ចូលរួមពីស្ថាប័នមន្ទីរសាធារណការ និងអាជ្ញាធរគ្រប់លំដាប់ថ្នាក់។
លោកឧត្តមសេនីយ៍ សង្ឃឹមថាបទ ល្មេីស គ្រោះថ្នាក់ចរាចរណ៍ប្រាកដជាកាត់បន្ថយបានដោយសារតែការពង្រឹងអនុវត្ដន៍ច្បាប់ លេីសពីនោះ ក្នុងនាមអាជ្ញាធរមានសមត្ថកិច្ច តែងតែធ្វើការផ្សព្វផ្សាយអំពីបញ្ហាកត្តាច្បាប់ និងការបង្កគ្រោះថ្នាក់ចរាចរណ៍គ្រប់មន្ទីរអង្គភាព សាលារៀន វត្ដអារ៉ាម រោងចក្រ នានា សំណូមពរអស់លោក លោកស្រី ជាម្ចាស់យានដ្ឋានជួសជុលរថយន្ត ម្ចាស់អាជីវកម្មរថយន្ដគ្រប់ប្រភេទ អ្នកបេីកបរមធ្យោបាយយានជំនិះទាំងអស់ រួមទាំងអ្នកបេីកបរ ទោចក្រយានយន្ដ អ្នកធ្វើដំណើរមេត្តាគឹតអំពីសុវត្ថិភាពជាចំបង និងយកចិត្តទុកដាក់ខ្ពស់គោរពច្បាប់ចរាចរណ៍ ស្រលាញ់ជីវិតអ្នកដទៃ ស្មេីនឹងជីវិតយើង។
បច្ចុប្បន្នរថយន្តមួយគ្រឿងនេះ កំលាំងនគរបាលបានឃាត់ និង យករថយន្ដ មករក្សាទុកនៅការិយាល័យចរាចរណ៍ផ្លូវគោកខេត្ត ដើម្បីសុំគោលការណ៍បញ្ឈប់មិនអនុញ្ញាតិឲ្យប្រើប្រាស់តទៅទៀត៕ ដោយ៖លោកម៉េង ហួត
