ខេត្តស្វាយរៀង៖ផ្ទះក្បឿងមួយខ្នងត្រូវបានភ្លើងឆេះយ៉ាងសន្ធោសន្ធៅបង្កការភ្ញាក់ផ្អើលដល់អ្នកភូមិនាំគ្នាប្រញាប់ប្រញាលជួយជះទឹកនិងរថយន្តអគ្គីភ័យមកអន្តរាគមន៏បាញ់ពន្លត់ប៉ុន្តែអកុសលយឹតពេលទៅហើយបានខណះម្ចាស់ផ្ទះបានត្រឹមឈរសំរក់ទឹកភ្នែកបន្ទាប់ពីកូនចិត្តខ្លាំងខឹងឪពុកមិនទៅស្ដីដណ្ដឹងប្រពន្ធដល់ខ្លួន។
ហេតុការណ៏នេះបានកើតឡើងកាលពីវេលាម៉ោង១១និង៥០នាទីថ្ងៃទី១១ ខែកក្កដា ឆ្នាំ២០១៩ ស្ថិតក្នុងភូមិព្រៃស្រគុំ ឃុំពងទឹក ស្រុករំដួល។
យោងតាមសមត្ថកិច្ចនគរបាលស្រុកបានអោយដឹងថាចំពោះកូនចិត្តខ្លាំងមានឈ្មោះ ពិន ពិទូ អាយុប្រមាណជាង២០ឆ្នាំមានឪពុកឈ្មោះពិន បូរិន អាយុ ៥៩ឆ្នាំមុខរបរកសិកររស់នៅភូមិព្រៃស្រគុំ ឃុំពងទឹក ស្រុករំដួល។
ប្រភពបន្តថាចំណែកផ្ទះដែលរងការឆាបឆេះមានទំ៨ម៉ែត្រគុណនិង៩ម៉ែត្រសង់អំពីឈើប្រក់ក្បឿងខណះទ្រព្យសម្បត្តិនៅមិនទាន់សរុបនៅឡើយ។
តាមឪពុកបានរៀបរាប់ប្រាប់សមត្ថកិច្ចថាមិនគួរណាកូនប្រុសធ្វើបែបនេះសោះគ្រាន់តែគាត់ប្រកែកថាកុំអាលគិតគូររឿងនឹងខិតខំរកស៊ីមានប្រាក់កាសសិនចាំទៅដណ្ដឹងប្រពន្ធប្រមាណជាកន្លះម៉ោងក្រោយមកក៏មានរឿងនេះកើតឡើងតែម្ដង។
ក្រោយពីធ្វើសកម្មភាពរួចបុរសចិត្តខ្លាំងក៏បានរត់គេចខ្លួនភ្លាមៗបន្សល់តែគ្រោងឆ្អឹងផ្ទះនិងបាត់បង់ទ្រព្យសម្បត្តិដែលខំសន្សំជាយូឆ្នាំអោយឪពុកឈរសម្រក់ទឹកភ្នែកបែបនេះសោះ៕ដោយ៖លោកជា រដ្ធា
