ភ្នំពេញ៖ កម្លាំងល្បាតនគរបាលប៉ុស្តិ៍រដ្ឋបាលទឹកថ្លាបានឃាត់ខ្លួនជនសង្ស័យចំនួន០៣នាក់ ពាក់ព័ន្ធករណីប្រើប្រាស់គ្រឿងញៀននៅថ្ងៃទី១៣ ខែកក្កដា ឆ្នាំ២០១៩ វេលាម៉ោង២៣ និង២០នាទី នៅចំណុចតាមផ្លូវ១០១៩ ចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។
សមត្ថកិច្ចបានឲ្យដឹងថាបានឃាត់ខ្លួនជនជនសង្ស័យចំនួន ០៣នាក់រួមមាន ៖ ទី១-ឈ្មោះ ញាប កុសល ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល សង្កាត់ទឹកល្អក់៣ ខណ្ឌទួលគោក ។ ទី២-ឈ្មោះ នី សុខតេន ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល សង្កាត់ទឹកល្អក់៣ ខណ្ឌទួលគោក ។ ទី៣-ឈ្មោះ ជឹម រតនា ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងការ៉ាសលាងឡាន ភូមិស្តឹងមានជ័យ សង្កាត់ស្ទឹងមានជ័យ ខណ្ឌមានជ័យ ។
សម្ភារៈដកហូត ៖ទូរដព្ទ័ដៃ០២គ្រឿង ។
សមត្ថកិច្ចបានបន្តទៀតថា មុនពេលកើតហេតុ អធិការដ្ឋាននគបាលខណ្ឌសែនសុខ បានដាក់គោលដៅត្រួតពិនិត្យគ្រឿងស្រវឹងនៅចំណុចខាងលើ ឃើញជនសង្ស័យ០៣នាក់ កំពុងជិះម៉ូតូឌុបតាមផ្លូវ មកដល់គោកដៅប្រតិបត្តិការ ដោយមានការសង្ស័យសមត្ថកិច្ចបានហៅជនសង្ស័យឲ្យឈប់ ធ្វើការត្រួតពិនិត្យលើដងខ្លូន រួចសមត្ថកិច្ចយើងនាំខ្លួនជនសង្ស័យធ្វើការសាកសួរ ត្រួតពិនិត្យទឹកនោមរកសារធាតុញៀន នៅអធិការដ្ឋាននគរបាលខណ្ឌសែនសុខ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
