ភ្នំពេញ៖កម្លាំងនគរប៉ុស្តិ៍រដ្ឋបាលគោកឃ្លាង បានធ្វើការឃាត់ខ្លួនជនសង្ស័យម្នាក់ក្រោយពេលដែលរូបគេបានធ្វើសកម្មភាពឆក់ទូរសព្ទ័ដៃ នៅចំណុចតាមផ្លូវ១៩២៨ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញនៅថ្ងៃទី១៤ខែកក្កដាឆ្នាំ២០១៩ វេលាម៉ោង ១២ និង៤០នាទី ។
ប្រភពពីសមត្ថកិច្ចបានអោយដឹងថាជនសង្ស័យម្នាក់មាន ឈ្មោះ ប៊យ តុលា ភេទប្រុស អាយុ១៩ឆ្នាំ ជនជាតិខ្មែរ មុខរបររត់ម៉ូតូកង់បី ស្នាក់នៅផ្ទះជួល ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ (មានសារធាតុញៀន) ។
រីឯជនរងគ្រោះ មាន ឈ្មោះ សំណាង ពុទ្ធារិន ភេទស្រី អាយុ១៨ឆ្នាំ ជនជាតិខ្មែរ មុខរបរនៅផ្ទះ ស្នាក់នៅភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ។
សនម្ភារៈបន្សល់ទុករួមមាន ទូរស័ព្ទដៃ០១គ្រឿង ម៉ាកOPOPប្រគល់ឲ្យជនរងគ្រោះវិញ និងម៉ូតូ០១គ្រឿងម៉ាក សេ១១០ ពណ៌ខ្មៅ ផលិតឆ្នាំ២០១២ ពាក់ស្លាកលេខភ្នំពេញ1BI-4446( របស់ជនសង្ស័យ ) ។
ប្រភពពីសមត្ថកិច្ចបានបន្ដថា មុនពេលកើរហេតុ ជនរងគ្រោះ កំពុងជិះមូតូ តែម្នាក់ឯងតាមផ្លូវ១៩២៨ លុះដល់ចំណុចកើតហេតុខាងលើ ស្រាប់តែមានជនសង្ស័យម្នាក់ ជិះម៉ូតូ០១គ្រឿងមកជិតជនរងគ្រោះ រួចធ្វើសកម្មភាពឆក់យកទូរសព្ទ័ដៃពីជនរងគ្រោះ បណ្តាលឲ្យដួលម៉ូតូទាំងពីគ្រឿង ភ្លាមនោះម្លាំងល្បាតអធិការដ្ឋានឃើញហេតុការណ៍បានធ្វើការឃាត់ខ្លួនជនសង្ស័យ យកមកធ្វើការសាកសួរនៅអធិការដ្ឋាននគរបាលខណ្ឌសែនសុខ រួចជនរងគ្រោះបានដាក់ពាក្យពណ្តឹងចោទប្រកាន់ជនសង្ស័យតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
