កំពង់ធំ៖ឯកឧត្តម ឧត្តមសេនីយទោ សោម ស៊ុន ប្រធានសមាគមអតីត យុទ្ធជន កម្ពុជា ខេត្តកំពង់ធំ បានដឹកនាំក្រុមការងារសមាគម
រួមជាមួយអាជ្ញាធរដែនដី និងប្រជាពលរដ្ឋ បានទៅប្រគល់ផ្ទះមួយខ្នង ជូនដល់អតីត យុទ្ធជន លោក រស់ សារ៉េត ដែលជាខ្នង ផ្ទះលើកទី១២៤ និងជា អំណោយដ៏ថ្លៃថ្លារបស់ សម្ដេចតេជោហ៊ុន សែន ប្រធានសមាគម អតីតយុទ្ធជនកម្ពុជានៅព្រឹកថ្ងៃអង្គារ៍ទី១៦ ខែកក្កដា ឆ្នាំ២០១៩ ។
លោក រស់ សារ៉េត ជាអតីតយុទ្ធជន មានឋានៈ អនុសេនីយ៍ត្រី អាយុ៥៤ ឆ្នំា ចូលបម្រើក្នុង ជួរកងទ័ពនៅថ្ងៃទី០៣ ខែមិនាឆ្នាំ១៩៨០ នៅអង្គភាពកងពលលេខ២ចាស់ មានមុខងារជាមេបញ្ជាការកងអនុសេនាតូច ឈរជើងនៅតំបន់ដំបូកខ្ពស់ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ក្រោយមក ក៏បានត្រូវរបួសពិការជេីងខាងស្ដាំដោយសារជាន់មីន នៅឆ្នាំ១៩៩៤ ។
លោកអនុសេនីយ៍ត្រីរស់ សារ៉េត មានភរិយា ឈ្មោះណំ ស៊ន អាយុ៥៦ ឆ្នំា មានកូនចំនួន៥ នាក់ បច្ចុប្បន្ន រស់នៅភូមិក្តាមហារ ឃុំឈូកខ្សាច់ ស្រុកបារាយណ៍ ខេត្តកំពង់ធំ ដោយប្រកបមុខរបរធ្វើកម្មករដាំដំឡូងមី ដេីម្បីបានប្រាក់បន្ថែមសម្រាប់ចិញ្ចឹមគ្រួសារ គួបផ្សំនិងប្រាក់បៀវត្សប្រចាំខែដែលរាជរដ្ឋាភិបាលបានផ្ដល់ជូនគាត់ចំនួន៨៦០,០០០ ក្នុងមួយខែផងដែរ ។
ឯកឧត្តមឧត្តមសេនីយ៍ទោសោម ស៊ុន មេបញ្ជាការតំបន់ប្រតិបត្តិសឹករងកំពង់ធំ បានមានប្រសាសន៍ថា ដោយបានសិក្សា ស្វែងយល់ពីបញ្ហាខ្វះខាតរបស់ក្រុមគ្រសារ លោករស់ សារ៉េត ដែលគ្មានលទ្ធភាព សាងសង់លំនៅដ្ឋានបានសមរម្យនិងគេ ក៏បាន ឯកភាពគ្នាជាមួយគណះកម្មាធិការសមាគម សម្រេចសាងសង់ ផ្ទះមួយខ្នង ដែលជា អំណោយរបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា ។
ចំណែកផ្ទះថ្មីដែលបានសាងសង់រួច និងត្រូវ បានប្រគល់ជូន មានទំហំ៤ម៉ែត្រx៦ម៉ែត្រ សាង សង់ពីឈើខ្ពស់ផុតពីដី រនាបនិង ជញ្ជាំងក្តារ ដំបូលប្រក់ស័ង្កសី ដែលបាន ចំណាយថវិកា ក្នុងការសាងសង់អស់ទឹកប្រាក់៧,២៥០,០០០ រៀល ក្នុងនោះ ក្រុមការងារបាន ឧបត្ថម្ភជូន គាត់បន្ថែមទៀតមានអង្ករចំនួន៥០ គីឡូក្រាម មីយើងចំនួន២កេស ទឹកត្រីទឹក សុីអុីវចំនូន ២យួរ មុងជ្រលក់ថ្នាំចំនួន២ឈេីច្រត់មួយគូ នឹងថវិកាចំនួន៤៥០,០០០ រៀល ៕ដោយ៖ប៊ុន រដ្ឋា
