ខេត្តតាកែវ ៖ អ្នកទោសដែលកំពុងជាប់ពន្ធនាគារខេត្តតាកែវម្នាក់បានស្លាប់បាត់បង់ជីវិតក្នុងមន្ទីរពេទ្យបង្អែកក្រុងដូនកែវ គណៈកម្មការចម្រុះថា បណ្តាលមកពីជំងឺលើសឈាមធ្វើទុក។
ជារឿងនឹកស្មានមិនដល់ដែលអ្នកទោស ក្នុងពន្ធនាគារខេត្តម្នាក់បានស្លាប់បាត់បងជីវិតក្នុងមន្ទីរពេទ្យបង្អែកក្រុងដូនកែវ បង្កការភ្ញាក់ផ្អើលនៅវេលាម៉ោង២១ និង១០នាទី ថ្ងៃទី១៥ ខែកក្កដា ឆ្នាំ២០១៩។
ទណ្ឌិតដែលស្លាប់មានឈ្មោះ គុច ធី ភេទប្រុស អាយុ៤៤ឆ្នាំ ទីលំនៅភូមិស្រង៉ែ ឃុំឧត្តមសូរិយា ស្រុកត្រាំកក់ ខេត្តតកែវ មានទោសក្នុងបទល្មើសប្លន់ ដែលត្រូវជាប់ព័ន្ធនាគារ១៦ឆ្នាំ។
ក្រោយមានទណ្ឌិតស្លាប់មន្ត្រីពន្ធនាគារបានបង្កើតគណៈកម្មការចម្រុះពិនិត្យ លើសពភ្លាមៗផងដែរ ដែលមានសមាសភាព លោកអនុប្រធានពន្ធនាគារ លោកអនុប្រធានការិយាល័យពន្ធនាគារ លោកនាយផ្នែកពន្ធនាគារ លោកគ្រូពេទ្យប្រចាំពន្ធនាគារ លោកវេជ្ជៈបណ្ឌិត និងលោកព្រះរាជអាជ្ញារងសាលាដំបូងខេត្តតាកែវផងដែរ។
ក្រោយដំណើការពិនិត្យរបស់គណៈ កម្មការចម្រុះ បង្ហាញថា នៅលើសពទណ្ឌិតមិនបានរកឃើញស្នាកស្នាមអ្វីគួឲ្យសង្ស័យ បណ្តាលមកពីធ្វើ ទារណ្ឌកម្មទៅលើជនរងគ្រោះនោះទេ។
ចុងក្រោយគណៈកម្មការចម្រុះបានចេញសេចក្ដីសន្និដ្ឋានថា គាត់ស្លាប់ដោយសុខភាពផ្ទាល់ខ្លួន គឺមានជំងឺ លើសឈាម និងបានប្រគល់សពឲ្យប្រពន្ធយកទៅធ្វើបុណ្យតាមប្រពៃណី៕ ដោយ៖ម៉េង ហួត
