ភ្នំពេញ៖រថយន្តភ្លេចមេីលក្បាលនាគទ្រូងពុះចែកផ្លូវបានជ្រុលទៅបុកយ៉ាងពេញទំហឹង បណ្ដាលឲ្យខូចខាតផ្ទៃខាងមុខបេីកទៅមុខលែងរួច កាលពីវេលាម៉ោង៩នឹង៤៥នាទីយប់ ងៃទី១៧ខែកក្កដា ឆ្នាំ២០១៩ នៅតាមបណ្ដោយផ្លូវ២១៧ (ក្បែរស្ពានអាកាសស្ទឹងមនជ័យ )សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ប្រភពពីកន្លែងកេីតហេតុបានអោយដឹងថា មុនកេីតហេតុ បានឃេីញរថយន្តមួយគ្រឿងម៉ាក តូយ៉ូតា សុីណា ពណ៍ស ពាក់ស្លាក់លេខ ភ្នំពេញ2AV.5798បេីកបរដោយបុរសម្នាក់ទិសដៅពីលិចទៅកេីតក្នុងល្បឿនល្មម លុះមកដល់ចំណុចកេីតហេតុចាប់ហ្វ្រាំងមិនទាន់ក៏ជ្រុលចង្កូតទៅបុកក្បាលនាគទ្រូងពុះចែកផ្លូវខូចខាតបន្តិចបន្តួច ចំណែករថយន្តរងការខូចខាតផ្ទៃខាងមុខបេីកទៅមុខលែងរួច។ ក្នុងករណីនេះគ្មានអ្នកណាម្នាក់រងរបួសឡេីយ។
ក្រោយកេីតហេុសមត្ថកិច្ចមូលដ្ធានបានធ្វេីការទាក់ទងទៅមន្រ្តីជំនាញដោយឃេីញទ្រូងផ្លូវមិនសូវមានការខូចខាតទេីបប្រគល់រថយន្តឲ្យម្ចាស់រងគ្រោះយកទៅជួសជុលខ្លួនឯងដេីម្បីបញ្ចប់រឿង៕
