ភ្នំពេញ៖ គណៈបញ្ជាការឯកភាពខណ្ឌចំការមន ដឹកនាំដោយលោក ថេង សុថុល អភិបាលខណ្ឌចំការមន និងមានការឯកភាពពីលោក កុល ប៊ុន ព្រះរាជអជ្ញារងអមសាលាដំបូងរាជធានីភ្នំពេញ បានចុះបង្រ្កាបទីតាំងល្បែងហ្គេមបាញ់ត្រីមួយកន្លែង ស្ថិតនៅទីក្រុងកោះពេជ្យ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
នៅល្ងាចថ្ងៃ ពុធ ១រោច ខែ អាសាឍ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី ១៧ ខែ កក្កដា ឆ្នាំ ២០១៩ ដែលស្ថិតនៅលើទីក្រុងកោះពេជ្រ ភូមិ ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ក្នុងកិច្ចប្រតិបត្តិការខាងលើ ក្រុមការងារចម្រុះបានដកហូតទូរហ្គេមបាញ់ត្រីចំនួន ០៩ គ្រឿង និងឃាត់ខ្លួនមនុស្សបានចំនួន ១៣ នាក់ ស្រី ០៧ នាក់ ដើម្បីធ្វើការសាកសួរ និងអប់រំណែនាំនៅសាលាខណ្ឌចំការមន ព្រមទាំងបានបិទទីតាំងអាជីវកម្មខាងលើ ជាបណ្ដោះអាសន្ន៕
