ភ្នំពេញ ៖ លោកវរសេនីយ៍ឯក ហួរ ម៉េងវ៉ាង អធិការនៃអធិការដ្ឋាននគរបាលខណ្ឌសែនសុខ បានចុះធ្វើរដ្ឋបាលតាមបន្ទប់ជួលក្នុងតំបន់ស្មុគស្មាញ ដឹកនាំដោយលោក វរសេនីយ៍ទោ ព្រហ្ម វ៉ាន់ឌី អធិការងទទួលបន្ទុកផ្នែកគ្រឿងញៀនកាលពីរព្រឹកថ្ងៃទី២១ ខែកក្កដា ឆ្នាំ២០១៩ ក្នុងភូមិសាស្រ្តខណ្ឌសែនសុខ ស្ថិតនៅភូមិពោងពាយ សង្កាត់ភ្នំពេញថ្មី ខណ្ឌសែនសុខ ក្នុងនោះក៏បាននាំខ្លួនជនសង្ស័យប្រុស-ស្រីចំនួន០៦នាក់ យកទៅសាកសួរនៅអធិការខណ្ឌពាក់ព័ន្ធករណីគ្រឿងញៀនព្រមទាំងដកហូតមានដកហូតដាវកែច្នៃ២ដើម ដែកអក្សរT ១ដើម និងសម្ភារៈប្រើប្រាស់គ្រឿងញៀនមួយចំនួនទៀត ។
លោក វរសេនីយ៍ទោ ព្រហ្ម វណ្ណឌី អធិការរងទទួលផែនប្រឆាំងបទល្មើសគ្រឿងញៀនបានឲ្យដឹងថា យុទ្ធនាការចុះធ្វើរដ្ឋបាល ក្រោមការណែនាំពីលោកអធិការខណ្ឌ ដើម្បីបំបែកសម្បុកក្រុមជនសង្ស័យដែលជាមុខសញ្ញាប្រព្រឹត្តបទល្មើសផ្សេងៗដោយចុះសហការ កំលាំងប៉ុស្តិ៍ និងកំលាំងសង្កាត់ ចំនួន៣១នាក់ បានចុះទៅដល់ក្រុមទី២ ភូមិពោងពាយ សង្កាត់ភ្នំពេញថ្មី ខណ្ឌសែនសុខ ។
លោកបន្តថាក្នុងនោះធ្វើការ ត្រួតពិនិត្យបានចំនួន ០២ខ្នងផ្ទះស្មើ ៧០បន្ទប់ មានមនុស្សស្នាក់នៅ ៧០គ្រួសារ សរុប២៥៨នាក់ ប្រុស៩៨នាក់ ហើយយើងធ្វើការឃាត់ខ្លួនសង្ស័យប្រើប្រាស់គ្រឿងញៀន ០៦នាក់(ស្រី០២នាក់) ដកហូតដាវកែឆ្នៃ០២ដើម ដែកអក្សរT ០១ដើម និងសម្ភារៈប្រើប្រាស់គ្រឿងញៀនមួយចំនួន យកមកអធិការដ្ឋានខណ្ឌសែនសុខ ជាលទ្ធផលក្នុងចំណោមជនសង្ស័យ០៦នាក់ខាងលើក្រោយធ្វើតេស្តឃើញថាមាន០៥នាក់(ស្រី០២នាក់)ក្នុងទឹកនោមមានផ្ទុកសារធាតុញៀន ត្រូវបានឃាត់ខ្លួនតែម្តងដើម្បីអនុវត្តតាមនីតិវិធី ដោយឡែកបុរសម្នាក់ទៀតអត់មានសារធាតុញៀនគ្រាន់ធ្វើការអប់រំរួចឲ្យត្រឡប់ទៅផ្ទះវិញ ។
លោកវរៈសេនីយ៍ឯក ហួរ ម៉េងវ៉ាង អធិការនគបាលខណ្ឌសែនសុខ ក៏បានសំណូមពរដល់បងប្អូនប្រជាពលរដ្ឋក្នុងមូលដ្ឋានខណ្ឌសែនសុខទាំងអស់ សូមមេត្តាជួយសហការណ៍ និងផ្តល់ព័ត៌មានមកកម្លាំងសមត្ថកិច្ចផង ប្រសិនបើបងប្អូនដឹងថាមានក្មេងទំនើងប្រមូលផ្តុំគ្នាប្រើប្រាស់ ឬចែកចាយនូវសាធាតុញៀន និងបទល្មើសផ្សេងៗដើម្បីឲ្យកម្លាំងរបស់លោកចុះទៅបង្ក្រាបឲ្យបានទាន់ពេលវេលាផងដែរ៕
