ភ្នំពេញ៖កម្លាំងប៉ុស្តិ៍រដ្ឋបាលភ្នំពេញថ្មី បានធ្វើការឃាត់ខ្លួន ជនសង្ស័យម្នាក់ ករណីអំពើលួចលួចយកម៉ូតូនៅចំណុចមុខតូបលក់ចាប់ហួយ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ បង្កឡើងដោយជនសង្ស័យម្នាក់ មធ្យោបាយកង់នៅថ្ងៃទី២១ខែកក្កដាឆ្នាំ២០១៩ វេលាម៉ោង ២០ និង៣០នាទីយប់ ។
ប្រភពពីសមត្ថកិច្ចបានអោយដឹងថាជនសង្ស័យម្នាក់មាន ឈ្មោះ ហូ ធុង ភេទប្រុសអាយុ២០ឆ្នាំ មុខរបរមិនពិតប្រាកដ ជនជាតិខ្មែរ ស្នាក់នៅបន្ទប់ជួល ផ្លូវបេតុង ភូមិរោងចក្រ១ សង្កាត់គោកឃ្លាង ខណ្ឌសែនសុខ (មានសារធាតុញៀន) ។
រីឯជនរងគ្រោះមាន ឈ្មោះ ហេង លីហួត ភេទប្រុសអាយុ២០ឆ្នាំ មុខរបរនិស្សិត ជនជាតិខ្មែរ ស្នាក់នៅបន្ទប់ជួល ផ្លូវបេតុង ភូមិរោងចក្រ១ សង្កាត់គោកឃ្លាង ខណ្ឌសែនសុខ ។
សម្ភារៈបាត់បង់ ៖ គ្មាន ។
សម្ភារៈបន្សល់ទុករួមមាន ម៉ូតូ០១គ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០១៨ ពាក់ស្លាកលេខកំពង់ស្ពឺ 1L-9152 របស់ជនរងគ្រោះ និងកង់០១គ្រឿង របស់ជនសង្ស័យ ។
សមត្ថកិច្ចបានបន្ដថា នៅមុនពេលកើតហេតុ ជនរងគ្រោះបានទុកម៉ូតូរបស់នៅចំណុចកើតហេតុខាងលើ កំពុងទិញឥវ៉ាន់ ស្រាប់តែមានជនសង្ស័យ ម្នាក់ បានជិះកង់មកដល់ចំណុច កើតហេតុរួចធ្វើសកម្មភាពលួចយកម៉ូតូជិះបានបន្តិច តែត្រូវជនរងគ្រោះឃើញ ស្រែកថាចោរៗ និងនាំគ្នាដេញចាប់បានជនសង្ស័យ ប្រគល់ឲ្យសមត្ថកិច្ចប៉ុស្តិ៍ភ្នំពេញថ្មី រួចជនរងគ្រោះដាក់ពាក្យបណ្តឹងចោទប្រកាន់ជនសង្ស័យតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
