ខេត្ដស្វាយរៀង៖ ព្រឹកថ្ងៃចន្ទ ៧រោច ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៧ ខែធ្នូ ឆ្នាំ២០២០លោក ថន ថាវុទ្ធា អភិបាលនៃគណៈអភិបាលស្រុកចន្ទ្រា បានដឹកនាំលោក លោកស្រីអភិបាលរងស្រុក លោកនាយករដ្ឋបាល ព្រមទាំងមន្ត្រីរាជការសាលាស្រុក ចុះណែនាំដល់អាជីវករលក់ដូរនៅផ្សារមេសរថ្ងក ឲ្យយកចិត្តទុកដាក់អនុវត្តតាមការណែនាំរបស់ក្រសួងសុខាភិបាល ក្នុងការចូលរួមប្រយុទ្ធប្រឆាំងនឹងជំងឺកូវីដ១៩ និងបានណែនាំឲ្យអាជីវករទាំងអស់ត្រូវពាក់ម៉ាស់ ឧស្សាហ៍លាងដៃនឹងអាល់កុល ជែល ឬសាប៊ូ ឲ្យបានញឹកញាប់ និងត្រូវបរៀបចំដបបាញ់អាកុល ឬជែល សម្រាប់លាងដៃនៅពេលដែលអតិថិជនមកធ្វើការទំនាក់ទំនង និងទិញផលិតផលពីហាង ឬតូចរបស់ខ្លួន ។
ជាមួយនោះ ក្រុមការងារក៏បានធ្វើការចែកម៉ាស់ និងបាញ់អាកុលលាងដៃ ជូនប្រជាពលរដ្ឋដែលបានទៅទិញផលិតផលផ្សេងៗនៅក្នុងផ្សារផងដែរ ៕
