ព្រះសីហនុ៖(បឋម) កម្លាំងគណបញ្ជាការឯកភាពរដ្ឋបាលខេត្តព្រះសីហនុដោយដឹងនាំផ្ទាល់ដោយឯកឧត្តម គួច ចំរើនអភិបាលខេត្តអញ្ជើញចូលរួមផង និងដោយមានការសម្របសម្រួលពីលោកព្រះរាជអជ្ញាអមសាលាដំបូងខេត្ត បានធ្វើប្រតិបត្តិការឆែកត្រួតពិនិត្យក្លឹបកំសាន្តរបស់ក្រុមហ៊ុនចិនមួយកន្លែងឈ្មោះObama Club (LVចាស់)ក្នុងសង្កាត់លេខ៤ក្រុងព្រះសីហនុ កាលពីម៉ោង៣យប់រំលងអាធ្រាត្រឆ្លងចូលថ្ងៃទី២៥ខែកក្កដាឆ្នាំ២០១៨។
បើតាមសមត្ថកិច្ចអោយដឹងជាបឋមថា ក្នុងការឆែកត្រួតពិនិត្យនេះ បានរកឃើញថ្នាំញៀនមួយចំនួននិងការសេពគ្រឿងញៀនជាក់ស្តែងក្នុងក្លឹបនេះផង ហើយភ្លាមៗមានមនុស្សប្រមាណជិត១៥០នាក់ត្រូវបានសមត្ថកិច្ចឃាត់ខ្លួននាំយកមកសាកសួរនិងចាត់ការបន្តតាមនិតិវិធីច្បាប់ ដែលភាគច្រើនគឺជាជនជាតិចិននិងមានជនជាតិខ្មែរខ្លះដែរ៕
