ភ្នំពេញ៖កម្លាំងប៉ុស្តិ៍រដ្ឋបាលទឹកថ្លា បានធ្វើការឃាត់ខ្លួនជនសង្ស័យ០២នាក់បន្ទាប់ពីធ្វើសកម្មភាពឆក់យកទូរសព្ទ័ដៃពីហោប៉ៅ នៅចំណុចមុខសាលាមុំ ផ្លូវ២០០២កែងផ្លូវ៥៥៥ ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ បង្កឡើងដោយជនសង្ស័យ០២នាក់ មធ្យោបាយម៉ូតូ០១គ្រឿង នៅថ្ងៃទី២៤ខែកក្កដាឆ្នាំ២០១៩ វេលាម៉ោង ១៩ និង៤០នាទីយប់ ។
ប្រភពពីសមត្ថកិច្ចបានអោយដឹងថាជនសង្ស័យ ០២នាក់រួមមាន ១-ឈ្មោះ មាឃ បូណា ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិដង្កោ សង្កាត់ដង្កោ ខណ្ឌពោដង្កោ (គ្មានសារធាតុញៀន) ។
២-ឈ្មោះ ឡោ ចំណាន ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិដង្កោ សង្កាត់ដង្កោ ខណ្ឌពោដង្កោ (គ្មានសារធាតុញៀន) ។
ចំណែកឯជនរងគ្រោះ មានឈ្មោះ កង វិបុល ភេទប្រុស អាយុ២៤ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផផ្ទះជួល ផ្លូវបេតុង ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ។
សម្ភារៈបាត់បង់មាន ទូរសព្ទ័០១គ្រឿងម៉ាកអាយហ្វូន 7plus ។
សម្ភារៈបន្សល់ទុករួមមាន ម៉ូតូ០១គ្រឿងម៉ាក សេ១២៥ ពណ៌ខ្មៅ ផលិតឆ្នាំ២០១៧ ពាក់ស្លាកលេខកំពត1L-8498 របស់ជនសង្ស័យ ។
សមត្ថកិច្ចបានបន្ដថា មុនពេលកើរហេតុ ជនរងគ្រោះកំពុងជិះមូតូ តែម្នាក់ឯងមកដល់ចំណុចកើតហេតុខាងលើ ស្រាប់តែមានជនសង្ស័យ ចំនួន ០២នាក់ ជិះម៉ូតូ០១គ្រឿង មកពីក្រោយជនរងគ្រោះ រួចធ្វើសកម្មភាពឆក់យកទូរសព្ទ័ដៃពីហោប៉ៅខោរបស់ជនរងគ្រោះរួចបើកម៉ូតូគេចខ្លួន ភ្លាមនោះជនរងគ្រោះបានស្រែកថាចរៗនិងបានជិះម៉ូតូដេញតាម តែជនសង្ស័យបានបន្ថែមល្បឿនម៉ូតូជិះគេចខ្លួន ដល់សង្កាត់ស្រះចក់ ខណ្ឌដូនពេញ ទើបចាប់បានជនសង្ស័យប្រគល់ឲ្យសមត្ថកិច្ចប៉ុស្តិ៍ទឹកថ្លាធ្វើការសាកសួរ នៅអធិការដ្ឋាននគរបាលខណ្ឌសែនសុខ ហើយជនរងគ្រោះបនដាក់ពាក្យបណ្តឹងចោទប្រកាន់ជនសង្ស័យតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
