កំពង់ចាម៖ អាជីវករជាង១៤គ្រួសារបានលក់ទំនិញសាច់គោលសាច់ជ្រូកមាន់ទាផ្សេងៗនៅលើគំរបលូយ៉ាងអនាធិបតេយ្យ ហើយទុកសំរាមកម្ទេចកម្ទីសល់ពីការលក់នៅលើគំរបលូទៀតផង វាជាហេតុធ្វើឱ្យប្រព័ន្ធទឹកមានការកកស្ទះ មិនតែប៉ុណ្ណោះនៅម្តុំនេះមានចរាចរណ៍មមាញឹកណាស់ជួនកាលស្ទះរាប់ម៉ោងក៍មាន។
ក្នុងនោះដែរអ្នកស្រី ហេង វូចនា ម្ចាស់ផ្ទះនិងដីស្របច្បាប់បានរៀបរាប់ថា កាលដើមចមដំបូងនៅមុខឬចំហៀងផ្ទះរបស់គាត់ប៉ែកខាងលិចដែលជាប់និងផ្លូវលំសម្តេចតេជោ ហ៊ុន សែន ពួកគាត់ជួលឱ្យទៅលោក ស្រីរួនប្រហែលបីឆ្នាំដែរ សម្រាប់ផ្ញើរកង់ម៉ូតូនៅក្នុងមួយថ្ងៃចន្លោះពី៥០,០០០ទៅ៨០,០០០រៀលយ៉ាងទៀងទាត់ទៅតាមថ្ងៃនីមួយៗ លុះប៉ុន្មានឆ្នាំចុងក្រោយនេះដោយមានការប្រែលប្រួលអ្នកជួលដីឈប់បង់លុយដូចសព្វមួយដង ស្រាប់តែលេចមុខប្រធានផ្សារដាក់ជួលឱ្យទៅអ្នកដ៍ទៃមកដាក់លក់ទំនិញគ្រប់ប្រភេទ ក្រៅពីម្ចាស់ដីនិងផ្ទះទៅវិញ ដោយម្ចាស់ទីតាំងខាងលើហ្នឹងពុំដឹងអ្វីសោះឡើយ។
ហើយជម្លោះរវាងម្ចាស់ទីតាំងនឹងប្រធានផ្សារចាប់ផ្តើមកើតឡើងមិនចេះចប់ ដោយប្រធានផ្សារព្រមទាំងសមាជិកបានដាក់ទីតាំងខាងលើ ដែលកំពុងមានជម្លោះជួលឱ្យអាជីវករលក់ទំនិញសាច់គោលជ្រូកមាន់ទា ហើយថែមទាំងដើរយកភាស៊ីមួយថ្ងៃ៥០០រៀលយ៉ាងទៀងទាត់។
គាត់បន្តថា នៅអំឡុងឆ្នាំ២០១៤ កំណើនប្រជាពលរដ្ឋដែលធ្វើដំណើរឆ្លងកាត់ចេញចូលផ្សារមានការតូចចង្អៀតលំបាកមានជង្ហុកធំៗ
ទើបផ្លូវលំមួយខ្សែរនេះត្រូវពង្រើកនិងចាក់ប៉េតុង ដើម្បីបង្កភាពងាយស្រួលដល់អ្នកធ្វើដំណើរទិញទំនិញផ្សេងៗ។
ព្រមទាំងធ្វើប្រព័ន្ធធារាសាស្រ្តហដូចជាប្រព័ន្ធលូបង្ហូរទឹក ប្រព័ន្ធភ្លើង គ្រប់គ្រាន់ក្នុងការបញ្ជាសទឹកនៅពេលមានភ្លៀងធ្លាក់មកម្តង តែជាអកុសលប្រធានផ្សារបានចេញបមុខអនុញ្ញាតក្រុមអាជីវករដាក់លក់ទំនិញសព្វសារពើព័ណ្ឌនៅលើលូទៅវិញ។
មជ្ឈដ្ឋានទូទៅបានរិះគន់ថា ប្រធានផ្សារផ្អាវគិតតែប្រយោជន៍ផ្ទាល់ខ្លួនយកលុយដាក់ហោប៉ៅដោយមិនគិតគូពីផលប៉ះពាលដល់ម្ចាស់ផ្ទះនិងដីដែលជាកម្មសិទ្ធផ្ទាល់ខ្លួនក្នុងការគ្រប់គ្រង់លើដីចំណីផ្លូវនៅមុខឬចំហៀងផ្ទះរបស់គេ ហើយនិងបរិស្ថានឬការកកស្ទះចរាចរណ៍ឡើយ។
ពាក់ព័ន្ធនិងបញ្ហាខាងលើកឡើងខាងលើអ្នកស្រីរស់ ផារី ប្រធានផ្សារផ្អាវបានឱ្យដឹងថា នៅលើចំណីផ្លូវឬគំរបលូនេះ ពួកគាត់លក់ជាច្រើនឆ្នាំមកហើយ ហើយអ្នកស្រីបានទទួលស្គាល់ថា នៅម្តុំនេះមានការកកស្ទះជាញឹកញ៉ាប់។
ចំពោះលោក ផេន សុផល អភិបាលស្រុកបាធាយបានឱ្យដឹងថា រឿងប្រធានផ្សារផ្អាវនិងអ្នកស្រី ហេង វូចនា ពាក់ព័ន្ធនិងការប្តឹងគ្នានេះផុតសមត្ថិភាពគាត់ ព្រោះបានបញ្ជូនពាក្យបណ្តឹងទៅថ្នាក់លើបាត់ហើយ៕
