ភ្នំពេញ៖ គ្រោះអគ្គិភ័យមួយបានកេីតឡេីងឆាបឆេះផ្ទះស្តុកម៉ាសុីនត្រជាក់ចាស់ៗសំរាប់ជួសជុលយ៉ាងសន្ធោសន្ធៅបង្កការភ្ញាក់ផ្អេីលដល់ប្រជាពលរដ្ឋនិងសមត្ថកិច្ចហៅរថយន្តពន្លត់អគ្គិភ័យមកបាញ់ពន្លត់កាលពីវេលាម៉ោង១៧និង២០នាទីល្ងាចថ្ងៃទី១៥ខែកញ្ញាឆ្នាំ២០១៩ នៅចំណុចផ្ទះស្តុកម៉ាសុីនត្រជាក់ចាស់ៗទុកសំរាប់ជួសជុលមួយកន្លែងតាមបណ្តោយផ្លូវភ្នំពេញហាណូយ ចំណុចមុខ(អតីត ប៉ុស្តិ៍នគរបាលរដ្ឋបាលទឹកថ្លា) សង្កាត់ទឹកថ្លា ខណ្ឌទួលសែនសុខ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញមានឆ្លងចរន្តអគ្គីសនីចេញពីចំណុចទីតាំងកើតហេតុបង្កឲ្យមានជាអណ្តាតភ្លើងឆាបឆេះយ៉ាងសន្ធោសន្ធៅភ្លាមៗនោះប្រជាពលរដ្ឋបានរាយការណ៍ទៅសមត្ថកិច្ចមូលដ្ឋានហៅរថយន្តពន្លត់អគ្គិភ័យជាច្រេីនគ្រឿងមកអន្តរាគមន៍បាញ់ពន្លត់តែអគ្គិភ័យនៅតែបន្តឆាបឆេះកាន់តែខ្លាំងដោយក្រុមពន្លត់អគ្គិភ័យពិបាកចូលទៅបាញ់ទឹកពន្លត់ដោយទីតាំងកើតហេតុមានសន្ថានភាពផ្លូវចង្អៀតពិបាករថយន្តចូលបាញ់ពន្លត់។
សមត្ថកិច្ចបានឲ្យដឹងថា រហូតមកដល់វេលាម៉ោង១៨និង៤០នាទីទេីបអគ្គិភ័យរលត់ទៅវិញទាំងស្រុង។ ពាក់ព័ន្ធនិងហេតុការណ៍គ្រោះអគ្គិភ័យខាងលេីនេះប្រេីប្រាស់រថយន្តពន្លត់អគ្គិភ័យជាច្រេីនគ្រឿងទេីបអាចគ្រប់គ្រង់បាន។
សមត្ថកិច្ចបានបន្តថា ទំហំនៃការខូចខាតខូចគឺខូចខាតសំភារះមួយចំនួននិងរថយន្តសាំងុយចំនួនពីរគ្រឿងតែមិនបង្កមាអ្នករបួស៕
