ភ្នំពេញ៖ ប្តីប្រពន្ធប្រុសស្រីពីរនាក់ បេីករថយន្តចេញពីកម្មវិធីមិត្តភ័ក្ត្រ បំណងទៅផ្ទះតែដោយសារតែស្រវឹង និងងងុយដេកផង ទេីបឈប់រថយន្តដេកមួយភាំង នៅចំណុចក្រោមស្ពានអាកាស៧មករា មុខប៉ុស្តិ៍នគរបាលទឹកល្អកទី១ ខណ្ឌទួលគោក ត្រូវជនសង្ស័យគាស់ទ្វាលួចលុយនិងទូរស័ព្ទសរុបជិត២ពាន់ដុល្លារ។ ក្រោយកេីតហេតុក្រុមអ្នកសាព័ត៌មាន ចុះទៅសាកសួរបែជាលោកនាយប៉ុស្តិ៍ ដេញឲ្យចេញទៅវិញ។
ហេតុការណ៍នេះ បានកេីតឡេីងកាលពីវេលាម៉ោង១រំលងអាធ្រាត្រ ឈានចូលថ្ងៃទី១៦ខែកញ្ញាឆ្នាំ២០១៩។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញជនរងគ្រោះ បេីករថយន្តម៉ាកព្រូសពណ៍ក្រហម ពាក់ស្លាកលេខ ភ្នំពេញ 2AN -6745 បេីកមកឈប់ដេកនៅខាងក្រោមស្ពានអាកាស៧មករា ជិតនិងប៉ុស្តិ៍នគរបាលទឹកល្អកទី១ ក្រោយមកស្រាប់តែមានជនសង្ស័យចំនួន២នាក់ជិះម៉ូតូមួយគ្រឿងមិនចាំម៉ាកមកធ្វេីសកម្មភាពគាស់ទ្វារថយន្តលួចលុយនិងទូរស័ព្ទហេីយគេចខ្លួនបាត់អស់។
ភ្លាមនោះក្រុមអ្នកសាភព័ត៌មានជាច្រេីនស្ថាប័ណ្ឌ បានចុះទៅដល់ចំណុចកេីតហេតុដេីម្បីសាកសួរ តែលោកនាយប៉ុស្តិ៍បានហៅជនរងគ្រោះចូលប៉ុស្តិ៍ ដោយដេញក្រុមសារព័ត៌មាន ឲ្យចេញក្រៅនិងមិនឲ្យថតរូបភាពនោះទេ។ រឺក៏ខ្លាចបែកធ្លាយថាមូលដ្ឋានខ្លួនអសន្តិសុខខណះគ្មានកម្លាំងល្បាតទប់ស្កាត់ដោយសូម្បីតែមុខប៉ុស្តិ៍នគរបាលក៏ចោរលួចបានដែរមិនខ្លាចនគរបាលសោះ។ បេីតាមជនរងគ្រោះបានឲ្យដឹងថា មុនពេលកេីតហេតុរូបគាត់បានចេញពីកម្មវិធីមិត្តភ័ក្ត្របំណងទៅផ្ទះតែដោយសារតែផឹកបន្តិចបន្តួចក៏រៀង
ងងុយដេកខណះមកដល់ចំណុចកេីតហេតុគិតថាមិនអីទេព្រោះក្បែរប៉ុស្តិ៍នគរបាលទេីបដេកមួយភាំងមិននឹកស្មានថាចោរហ៊ានគាស់ទ្វាលួចយកលុយអស់ចំនួនជាង១៣០ដុល្លារនិងលុយខ្មែរជិត៨០ម៉ឺនរួមទាំងទូរស័ព្ទដៃស៊េរីទំនេីបចំនួន២គ្រឿងទៀតគេចខ្លួនបាត់ដោយសុវត្តិភាព។ ក្រោយកើតហេតុសមត្ថកិច្ចមូលបានចុះមកដល់និងសួរនាំជនរងគ្រោះរួចនាំមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទឹកល្អក់១ ក្រោយពីរងគ្រោះដាក់ពាក្យបណ្តឹងរួចរាល់ហើយបាននាំគ្នាឡើងជិះរថយន្តត្រឡប់ទៅផ្ទះវិញដោយក្តីអស់សង្ឃឹម៕
