មណ្ឌលគិរី៖ រថយន្តក្រុងរបស់ក្រុមហ៊ុនវិរៈប៊ុនថាំ លេខសម្គាល់(៨៣)១គ្រឿង ដែលតែងតែបម្រើសេវាកម្មដឹកអ្នកដំណើរ ភ្នំពេញទៅមកស្ទឹងត្រែង ពេលយប់ បានអស់ល័ក្ខហើយ គ្រាដែលសមត្ថកិច្ចស្រុកកែវសីមា ឆែករកឃើញសុទ្ធតែឈើកែឆ្នៃ ។
ក្នុងនោះមិនមែនតែរថយន្តវរៈប៊ុនថាំនោះទេ គឺរថយន្ត១គ្រឿងរបស់ក្រុមហ៊ុនសុីណាបូពា៌ ក៏ត្រូវសមត្ថកិច្ចរកឃើញការដឹកឈើផងដែរ។
ប្រតិបត្តការធ្វើឡើងនៅម៉ោង១២និង១៥នាទីរំលងអាធ្រាតុ ឈានចូលថ្ងៃទី១៤កញ្ញាឆ្នាំ២០១៩ចំថ្ងៃកាន់បិណ្ឌទី១តែម្តង។
សមត្ថកិច្ចថារថយន្តរបស់ក្រុមហ៊ុនសុីណាបូពា៌ ពណ៌ក្រហម លាយស ពាក់ស្លាកលេខភ្នំពេញ3C.9534ដឹងទ្វានិងគ្រោងទ្វាមួយចំនួន ពុំទាន់បានរាប់។
ចំណែកឯរថយន្តក្រុងរបស់វិរៈប៊ុនថាំ លេខសម្គាល់(៨៣) ពាក់ស្លាកលេខ3D-8215ដឹកទ្វានិងគ្រោងដូចគ្នា ពុំទាន់រាប់ដឹងចំនួន។
រថយន្តទាំងពីរគ្រឿងក្រោយរកឃើញដឹកជញ្ជួនឈើកែឆ្នៃពាក់កណ្តាលសម្រេចដោយខុសច្បាប់នត្រូវបញ្ជួនទៅស្នាក់ការដែនជម្រកសត្វព្រៃកែវសីមា ដើម្បីបន្តនិតិវិធី។
ស្រុកកែវសីមា ដែលជាស្រុកមួយតែងមានបទល្មើសព្រៃឈើឆ្លងកាត់ជារឿយៗក្រោមរូបភាពផ្សេងៗនោះ បច្ចប្បន្ន កំពុងបង្កើនសមត្ថភាពកាងារយ៉ាងខ្លាំង ក្រោមការដឹកនាំពីអភិបាលស្រុកដោយផ្ទាល់។
លទ្ធផលបង្ក្រាប មិនលើកលែងសូម្បីតែឈើកែឆ្នៃ ពាក់កណ្តាលសម្រេចនោះឡើយ។ចំពោះចរាចរណ៍ឈើ ធំៗគឺគ្មានកើតឡើងទៀតនោះទេ៕
