ភ្នំពេញ៖នៅថ្ងៃសៅរ៍ ៤កើត ខែពិសាខ ឆ្នាំជូត ទោស័ក ព .ស ២៥៦៣ ត្រូវថ្ងៃទី២៥ ខែមេសា ឆ្នាំ២០២០ វេលាម៉ោង៩និង០០នាទី លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានដឹកនាំកម្លាំងផ្នែកអត្តសញ្ញាណកម្ម និងកម្លាំងប៉ុស្ដិ៍នគរបាលរដ្ឋបាលជើងឯក ព្រមជាមួយលោក លាស់ សុខលឹម ចៅសង្កាត់រងជើងឯក ចុះចែកសៀវភៅគ្រួសារ និងអត្តសញ្ញាណប័ណ្ណសញ្ជាតិខ្មែរ(គំរូថ្មី)ជូនបងប្អូនប្រជាពលរដ្ឋតាមខ្នងផ្ទះ ទាំង៦ភូមិក្នុងសង្កាត់ជើងឯក។
ឆ្លៀងក្នុងឱកាសនេះដែរ លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ និងលោក លាស់ សុខលឹម ចៅសង្កាត់រងជើងឯក បានផ្សព្វផ្សាយដល់ប្រជាពលរដ្ឋត្រូវពាក់ម៉ាស់ លាងដៃជាមួយសាប៊ូ ឬទឹកអាកុល ត្រូវមានអនាម័យជាប្រចាំ ដើម្បីចូលរួមបង្ការ និងទប់ស្កាត់ការឆ្លងរាលដាលវីរុសកូវីដ ១៩៕
