ខេត្តកំពត៖ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានចាត់តំណាងរបស់លោក រួមជាមួយលោកអធិការស្រុកបន្ទាយមាស បាននាំយកអំណោយរបស់លោកឧត្តមសេនីយ៍ទោ ស្នងការផ្ទាល់ មានថវិការ៨០ មុឺនរៀល អង្គរ ៥០ គីឡូ ជូនគ្រួសារទីទ័លក្រមួយគ្រួសារ មានប្តីឈ្មោះ សួន រឿន អាយុ៣៧ឆ្នាំ មានជំងឺមហារីក ទើបវះកាត់ឆ្អឹងខ្នង នឹង ប្រពន្ធឈ្មោះ ចន តន អាយុ៣៣ឆ្នាំ រស់នៅក្នុងភូមិតាងើត ឃុំត្រពាំងសាលាខាងកើត ស្រុកបន្ទាយមាស ខេត្តកំពត។
លោកឧត្តមសេនីយ៍ទោ ស្នងការក៏បានសូមថ្លែងអំណរគុណចំពោះ លោកស្រី សែម សុភី និងស្វាមី ដែលបានឧបត្ថមថវិការ ៨០ មុឺនរៀល, លោក ប៊ុន គ្រៀម ថវិការ ១ លានរៀល,លោក ឈុន អ៊ូរ អង្គរ ៥០ គីឡូ យកមកឧបត្ថមជូនគ្រួសារគ្រួសារទីទ័លក្រមួយគ្រួសារនេះ តាមរយះលោកឧត្តមសេនីយ៍ទោ ស្នងការផងដែរ៕
