បាត់ដំបង៖ នៅថ្ងៃ ចន្ទ ១៣កើត ខែ ពិសាខ ឆ្នាំជូតទោស័កព.ស.២៥៦៣ ត្រូវនឹងថ្ងៃទី៤ ខែ ឧសភា ឆ្នាំ២០ ២០ដោយមានការយកចិត្តទុក ដាក់អំពីសុខុមាល ភាពរបស់កងកម្លាំងនគរបាលជាតិ ឯកឧត្តម ឧត្តម សេនីយ៍ទោ អ៊ុច សុខុន ស្នងការនៃស្នងការដ្ឋាន នគរបាលខេត្តបាត់ដំបង លោកឧត្តមសេនីយ៍ត្រី សុវណ្ណ គឹមហាក់ ស្នងការរងផែនការងារភស្តុភារ និងហិរញ្ញវត្ថុ នៃស្នងការដ្ឋាន បានចាត់តាំងឲ្យលោកវរសេនីយ៍ទោសេង សួ នាយការិយាល័យសុខាភិ បាលដែលមានលោកឧត្តមសេនីយ៍ត្រី វេជ្ជប ណ្ឌិត សឿម សារិទ្ធ ទទួលដឹកនាំ ប្រើប្រាស់ម៉ាស៊ីនបាញ់ថ្នាំសម្លាប់មេរោគនិងបាក់តេរីមិនល្អនៅក្នុងបរិវេណស្នងការដ្ឋាននគរបាលខេត្តបាត់ដំបង ពិសេសនៅតាមការិយាល័យធ្វើការនីមួយៗនិងទីតាំងផ្សេងទៀតដើម្បីប្រាកដថាមិនមានមេរោគឬបាក់តេរីមិនល្អស្ថិតនៅទីកន្លែងនោះទៀតបាននោះទេ ។
សូមជម្រាបជូនថា ក្នុងរយៈពេលដែលប្រជាពលរដ្ឋទូទៅលោកកំពុងប្រុងប្រយ័ត្ននិងការពារខ្លួនចំពោះករណីឆ្លងជម្ងឺCovid-19 នេះឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង បានផ្សព្វផ្សាយដល់កងកម្លាំងនគរបាលនិងក្រុមគ្រួសារឲ្យប្រុងប្រយ័ត្ន និងប្រតិបត្តិស្របតាមការណែនាំរបស់ក្រសួងសុខាភិបាល ហើយក្រៅពីនោះ ឯឧត្តមស្នងការបានចាត់តាំងឲ្យមន្រ្តីការិយាល័យសុខាភិបាលរបស់ស្នងការដ្ឋាន ចុះបាញ់ថ្នាំសម្លាប់មេរោគ និងបាក់តេរីមិនល្អនៅតាមទីកន្លែងបំពេញការងារនិងទីកន្លែងស្នាក់នៅរបស់កងកម្លាំងនគរបាលទាំងបរិវេណស្នងការដ្ឋាន បរិវេណអធិការដ្ឋាននគរបាលក្រុង ស្រុក និងទីបញ្ជាការវរសេនាតូចនគរបាលការពារព្រំដែនគោកទាំងបួនចំណុះស្នងការដ្ឋាន ហើយការបាញ់ថ្នាំនៅបរិវេណស្នងការដ្ឋាននាពេលនេះគឺជាលើកទីពីរហើយ ដែលការបាញ់ថ្នាំលើកទីមួយ បានអនុវត្តកាលពីថ្ងៃទី ៦ ខែ មេសា ឆ្នាំ២០២០កន្លងទៅ ៕ 
