ភ្នំពេញ៖ នៅរសៀលថ្ងៃអាទិត្យ ១២កេីត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី០៣ ខែឧសភា ឆ្នាំ២០២០នេះ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល និងលោកស្រី រួមជាមួយលោក លោកស្រីជាអភិបាលរងខណ្ឌ ព្រមទាំងមន្ត្រីរាជការសាលាខណ្ឌ បាននាំយកអំណោយដ៏ថ្លៃថ្លារបស់ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកលោកជំទាវ ដេីម្បីផ្តល់ជូនក្រុមគ្រួសារបងប្អូនប្រជាពលរដ្ឋដែលកំពុងជួបការលំបាក មកពីសង្កាត់កន្ទោកចំនួន៣០គ្រួសារ និងសង្កាត់កំបូលចំនួន៣០ គ្រួសារ សរុបចំនួន ៦០គ្រួសារ ។
អំណោយដែលត្រូវចែកជូនបងប្អូនប្រជាពលរដ្ឋខាងលេីក្នុងមួយគ្រួសារទទួលបាន អង្ករ ២៣គីឡូក្រាម ទឹកស៊ីអុីវ+ទឹកត្រី ០១យួរ ភេសជ្ជៈ ០១កេស ម៉ាស០១ប្រអប់ និងថវិកាចំនួន ២០,០០០(ពីរមុឺន)រៀល ។
ឆ្លៀតក្នុងឱកាសនោះ លោកអភិបាលខណ្ឌបានពាំនាំនូវការយកចិត្តទុកដាក់ និងការផ្តាំផ្ញេីសាកសួរសុខទុក្ខពីសំណាក់ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ ជាពិសេសបានជម្រាបជូនបងប្អូនប្រជាពលរដ្ឋទាំងអស់គ្នាឲ្យចូលរួមអនុវត្តន៍វិធានការណ៍ណែនាំនានារបស់ក្រសួងសុខាភិបាលក្នុងការការពារ ទប់ស្កាត់ការាតត្បាតនៃជំងឺកូវីដ១៩ រួមទាំងវិធានការណ៍ទាំងឡាុយរបស់រាជរដ្ឋាភិបាល ដេីម្បីធានាសុខមាលភាពប្រជាពលរដ្ឋកម្ពុជាឲ្យបានល្អប្រសេីរឡេីង ជៀសផុតពីការឆ្លងវីរុសកូវីដ១៩ នៅក្នុងសហគមន៍ ៕ 
