ក្រុងប៉ោយប៉ែត ៖ ( ព័ត៌មានបឋម)នៅវេលាយប់ប្រហែល១ ម៉ោង១រំលងអធ្រាត្រ ថ្ងៃអាទិត្យ១២ កើត ខែពិសាខ ឆ្នាំជូតទោស័ក ពុទ្ធសករាជ ២៥៦៣ត្រូវនឹងថ្ងៃទី០៣ ខែឧសភា ឆ្នាំ២០២០
មានករណីផ្ទុះហិង្សារវាងក្រុមក្មេងស្ទាវ និង បុរសម្នាក់ ជាប៉ូលីសនៅអធិការនគរបាលក្រុងប៉ោយប៉ែត មានតួនាទីជាកម្លាំងជំនាញប្រង្ក្រាបគ្រឿងញៀនក្រុងប៉ោយប៉ែត ឈានដល់ផ្ទុះអាវុធជិត ១០គ្រាប់ បណ្ដាលឱ្យ បុរសម្នាក់បានស្លាប់បាត់បង់ជីវិត និង ប៉ូលីសរងរបួសធ្ងន់ ។
បើយោងតាមសម្ដី ប្រជាពលរដ្ឋ ដែលរស់នៅ ក្បែកន្លែងកើតហេតុបានឱ្យដឹងថា នៅវេលាយប់នោះ គាត់កំពង់ដេកលក់ជាធម្មតា ស្រាប់តែឮសម្លេងកំភ្លើង ទាំងគាត់និងកូនៗបាន ងើបឡើង ក៏បានឮសម្លេង ស្រែក ឈ្លោះប្រកែក វៃតប់គ្នា និងមួយសន្ទុះក្រោយមកក៏ឮសម្លេងបាញ់កំភ្លើង រហូត មានម៉ូតូ បើកមកបុក តុថ្មមុខផ្ទះរបស់គាត់ទៀតផង ។
ករណីហិង្សារហូតឈានដល់បាត់បង់អាយុជីវិតនេះ កើតឡើង នៅចំណុចផ្លូវស្តង់តាងួន ជាផ្លូវព្រំប្រទល់ ភូមិបាលិលេយ្យ២ និង ភូមិគីឡូលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។
ក្រោយទទួលព័ត៌មាន នៅព្រឹកថ្ងៃអាទិត្យ ១២ កើត ខែពិសាខ ឆ្នាំជូតទោស័ក ពុទ្ធសករាជ ២៥៦៣ត្រូវនឹងថ្ងៃទី៣ ខែឧសភា ឆ្នាំ២០២០នេះ លោក តេង សាម៉ៃ ព្រះរាជអាជ្ញារង អមសាលាដំបូងខេត្តបន្ទាយមានជ័យ បានដឹកនាំក្រុមការងារ និងមានឃើញវត្តមាន លោក ឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ អមដំណើរដោយ លោក ឧត្ដមសេនីយ៍ត្រី សិទ្ធិ ឡោះ ស្នងការងនគរបាលខេត្តបន្ទាយមានជ័យ ទទួលផែនព្រហ្មទណ្ឌ បានដឹកនាំ កម្លាំងអធិការនគបាលក្រុងប៉ោយប៉ែត សហកាជាមួយ កម្លាំងជំនាញ ពាក់ព័ន្ធ ទាំងអស់ ចុះបើកការស្រាវជ្រាវ ដល់កន្លែង កើតហេតុ និងសួរនាំប៉ូលីសកំពង់សម្រាក់ព្យាបាលនៅមន្ទីពេទ្យនគរាជ ព្រមទាំងចុះពិនិត្យសាកសព ផងដែរ ។
សូមជម្រាបថា បើតាមការឱ្យដឹងពី លោក ឧត្ដមសេនីយ៍ត្រី សិទ្ធិ ឡោះ ស្នងការងនគរបាលខេត្តបន្ទាយមានជ័យ ទទួលផែនព្រហ្មទណ្ឌ ថ្លែងប្រាប់ការសែត វីរៈ ជាតិ យើង ឱ្យដឹងថា ករណីនេះគឺ លោក ឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ដឹកនាំក្រុមការងារដោយផ្ទាល់ និងមានរូបលោក ផងដែរ បាននិងកំពង់ ចុះសិក្សាស្រាវជ្រាវដល់កន្លែង កើតហេតុ យ៉ាងយកចិត្តទុក្ខដាក់ខ្ពស់ ។#ហើយខណៈនេះក្រុមការងារយើងពុំទាន់ដឹងមូលហេតុជុំវិញករណីនេះនៅឡើយទេកំពុងធ្វើការស្រាវជ្រាវបន្ត ។ លោក ចាន់ ពុធ
