បាត់ដំបង៖ អនុវត្តតាមការដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគបាលខេត្តបាត់ដំបង ក៏ដូចជាមតិណែនាំជំនាញពីលោកឧត្តមសេនីយ៍ត្រី កុយ ហៀង ស្នងការរងផែនការងារគ្រឿងញៀននៃស្នងការដ្ឋាននៅថ្ងៃ អង្គារ៍ត្រូវនឹងថ្ងៃទី៥ខែឧសភាឆ្នាំ២០ ២០វេលាម៉ោង១១និង៣០នាទីថ្ងៃត្រង់ នៅចំណុចភូមិរំចេក០១សង្កាត់រតន:ក្រុងបាត់ដំបង ខេត្តបាត់ដំបង។
កម្លាំងនគរបាលការិយាល័យប្រឆាំងគ្រឿងញៀននិងកម្លាំងអន្តរាគមន៍ប្រឆាំងគ្រឿងញៀននៃស្នងការដ្ឋានដែលមានលោកវរសេនីយ៍ទោ សុខ និមល ជានាយការិយាល័យ រួមសហការណ៍ជាមួយកម្លាំងនគរបាលនៃអធិការដ្ឋាននគរបាលក្រុងបាត់ដំបងដែលមានលោកវរសេនីយ៍ឯក ឆាង វណ្ណឆៃ ជាអធិការនគរបាលក្រុង បង្ត្រាបករណីជួញដូររក្សាទុកឬដឹកជញ្ជូនដោយខុសច្បាប់នូវសារធាតុញៀន០១ករណីក្នុងបទល្មើសជាក់ស្តែង។
ក្នុងកិច្ចប្រតិបត្តិការនេះសមត្ថកិច្ចឃាត់ខ្លួនជនសង្ស័យបានចំនួន០២នាក់គឺ៖
១-ឈ្មោះ ហម ចិត្រា ភេទប្រុសអាយុ៣៤ ឆ្នាំរស់នៅភូមិអូរចារសង្កាត់អូរចារ ក្រុងបាត់ដំបង ខេត្តបាត់ដំបង។
២-ឈ្មោះ គុជ មាលា ហៅធំភេទប្រុសអាយុ២៩ឆ្នាំរស់នៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។
-វត្ថុតាងចាប់យកបានរួមមាន៖
១-ថ្នាំញៀនប្រភេទមេតំហ្វេតាមីនម៉ាទឹកកក ICEចំនួន០៥ថង់ ទម្ងន់១២២,៧៨ក្រាម
២-ជញ្ជេីងសម្រាប់ថ្លឹងគ្រឿងញៀនចំនួន០១
៣-ទូរស័ព្ទដៃចំនួន០២
៤-កាបូបប្រាក់ចំនួន០១
៥-សម្ភារ:សម្រាប់ច្រករំលែកគ្រឿងញៀន និងសម្ភារ:សម្រាប់ជក់គ្រឿងញៀនមួយចំនួន។
ពេលនេះការិយាល័យជំនាញកំពុងសាកសួរស្រាវជ្រាវនិងរៀបចំបញ្ជូនទៅតុលាការដេីម្បីចាត់ការបន្តតាមផ្លូវច្បាប់៕ 
