ពោធិ៍សាត់៖ នៅថ្ងៃអង្គារ១៤កើត ខែពិសាខ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី០៥ ខែឧសភា ឆ្នាំ២០២០ វេលាម៉ោង១៤និង២០នាទី មានករណីកាត់ស្មៅជាន់មីនផ្ទុះបណ្ដាលអោយបុរសម្នាក់រងរបួសធ្ងន់។
ហេតុការណ៍នេះបានកើតឡើងនៅចំណុចអូរកងឈ្លប ស្ថិតក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់។
បេីតាមលោកវរសេនីយ៍ឯកធាង ឡេងអធិការនគរបាលស្រុកវាលវែងបានអោយដឹងថា ជនរងគ្រោះមានឈ្មោះ កុង ប៊ុនធី ភេទប្រុស អាយុ៤២ឆ្នាំ មុខរបរ កសិករ ស្នាក់នៅចំណុច អូរកងឈ្លប ភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់។
លោកបានសន្និដ្ឋានថា មូលហេតុ កាត់ស្មៅ(ម៉ាស៊ីនកាត់ស្មៅ) បណ្តាលអោយជាន់មីនផ្ទុះត្រូវជើងខាងស្តាំ បែកម្រាមមេជើងស្តាំ។
បច្ចុប្បន្នជនរងគ្រោះត្រូវបានក្រុមគ្រួសារបញ្ជូនទៅកាន់មន្ទីរពេទ្យខេត្តពោធិ៍សាត់៕ 
